WIR Anselm Casimir von Gottes gnaden des heiligen Stuls zu Maintz Ertzb(ischoff)
des Heiligen Römischen Reichs durch Germanien ErtzCantzler vndt Churfürst, Bekennen vndt thun kundt offentlich mit diesem brieff, das wir vnserm lieben getrewen, Conrad Eitelwolff von Rodenhausen Weyland Hanß Wilhelmen von Rodenhausen seeligen
nachgelassenen Sohn vor sich selbsten, so dan in Vormundschafft nahmen, seines Vettern, Conradts von Rodenhausen, crafft vnß beybrachten Curatory hernach geschriebene lehenschafft gnediglich geliehen haben, leihen auch ihme die hiemit Vndt in crafft dieß brieffs,
in aller massen wie bemelter Hanß Wilhelm von Rodenhausen, von vnserm Vorfahren Ertzbischoff Johann Adamen Christseeligen gedächtniß empfangen, Vndt getragen hat, inhalt d(es) seligen, daruber gegebenen lehen brieffs
von Wortten zu Worten hernach geschrieben also lautendt: Wir Johann Adam von Gottes gnaden des heiligen Stuls zu Maintz Ertzbischoff, des Heiligen Römischen Reichs durch Germanien ErtzCantzler vnd Churfürst, Bekennen vndt thun kundt offentlich
mit diesem brieff, das Wir vnserm lieben getrewen Hanß Wilhelmen von Rodenhausen, vor sich selbsten Vndt in crafft vnß beybrachten gewalts Hanß Ebergen von Rodenhausen, so dan Hanß Eitelwolffen Vnd Conraden von Rodenhausen gebrüder, Conradts
seeligen Söhne Wegen, hernach geschriebene lehenschafft gnediglich geliehen haben, leihen auch ihme die hiemit Vnd in crafft dieß brieffs, in aller massen wie die bemelter Hanß Wilhelm von Rodenhausen von vnserm nechsten lieben herrn Vnd Vorfahren Ertzbischoff Wolffgangen
Christlöblicher gedächtniß empfangen Vnd getragen hat, inhalt d(es) seligen, daruber gegebenen lehen brieffs, von Wort zu Worten hernach geschrieben also lautendt: Wir Wolffgang von Gottes gnaden des Heiligen Stuls zu Maintz Ertzbischoff, des Heiligen Rö
mischen Reichs durch Germanien ErtzCantzler vnd Churfürst, Bekennen vndt thun kundt offentlich mit diesem brieff, Demnach vnß vnser lieber getrewer Hanß Wilhelm von Rodenhausen Vnderthänig ersucht, vndt gebetten, Wir wölten ihme in nahmen sein selbs,
auch in crafft vbergebenen gewalts Hanß Eberg von Rodenhausen, so dan Hanß Eitelwolffen, Vnd Conraden von Rodenhausen gebrüdern, Conradts seeligen Söhne Wegen, die ienige lehenschafft, so etwan sein anherr Vnd Vatter seeliger, Vndt von Rodenhausen sich alß erben
vngleiches theils theilungs halben ohne einige biß hieher beschehene, von Vnserm Vorfahren Ertzbischoff Albrechten löblicher gedächtniß Vnd Vnserm Ertzstifft von newem empfangen Vnd getragen, Vnd durch sein absterben von rechtswegen absterben, Vnserm Ertzstifft heymgefallen
verstorb Vndt heimgefallen seint, Vnd von Veraltertem herkommen, in Jahr den Vierzigen Zins, Zwanzig Zins, von obbemelten Vngefehrden von Rodenhausen, Vnd seinen Männlichen leibs lehen Erben zu rechtem newen Mannlehen angetast, Vndt geliehen werden
der gestalt, daß er Ebersandt, Vnd seine Männliche leibs lehens Erben schuldig sein sollen, Waß vor Zehend, oder andere Eigengüter auß solchem lehen brieff kauffen, oder versetzen werden, dieselb wieder Zuthun, Vnd verkauffen, von Vns, Vnd Vnserm Ertzstifft
Maintz Zulehen, Vnd zu tragen, Vnd damitt sich erpietig gemacht, die Vormundschafft Wegen der dreyer oder derer Vnd von Rodenhausen, itzo oder künfftiglich derenthalben an Vns, oder sonderlich in rechten Vndt, denselben iederzeit verthun, mit verziehen, der Vatter der,
auff diese seine Vnderthänige bitt in gnaden angesehen, Vnd haben ihme Hanß Wilhelm von Rodenhausen, Vor sein selbs, Vnd gedachter seiner Mitvettern Vnd Männlichen leibs lehens Erben Wegen, nachfolgende lehenschafft gnediglich geliehen, Vnd leihen ihme die hiemit
Vnd in crafft dieß brieffs, Waß wir Vnd von gnaden, Vndt rechts Wegen obbemelter gestalt daran leihen sollen Vnd mögen, In aller massen dieselbe Weyland Conrad von Rodenhausen, der vor sich, auch Hanß Ebergen seinen brudern, Vnd den Hanß Eitelwolffen, Vndt Hanß
Wilhelm gebrüder, Vnd gedachter von Rodenhausen, Von Vnserm nechsten Vorfahren empfangen, Vndt getragen hat: Vnd seint diß die lehenGüter, Nemblich die aigen leuthe, so derselbe Vorfahr verlaßen hat, Item seinen theil deß Zehenden zu Ebersch, Item den
Item seinen theil deß Zehenden zu Vibergßhausen, Item Zwey theil deß gantzen Zehenden zu Geyßen Vffschind, Item seinen theil deß Zehenden zu Schweinsberg, Item den halben theil deß Zehenden zu Wernaw, Item Zwey pfund Marpurgischer Währung, mit einem
Weiß, Vndt eines schillings Wachs, derselben Währung, auff der Wiesen zu Froschhausen, Item Fünffzehen schilling Vndt Vierzigen Pfenning, von Vnserm Vnd Vnsers Ertzstiffts gutte zu Rotha, Wie dan Vndt der obgenant Hanß Wilhelm Wegen sein, hat auch itzo von
sein, Vndt obgemelten von Rodenhausen seinen Vettern Wegen, solch obgedachte güter zu Mannlehen empfangen, Vnd daruber in trewen gelobt, Vnd leiblich einen Eydt zu Gott Vndt den heiligen geschworen, Vns, Vnserm Nachkommen Vnd Ertzstifft Maintz getrewe, hold,
Vnd gehorsamb zusein, Vnsere schaden zu warnen, frommen, Vnd bestes zu werben, solch lehen getrewlich zu verdienen, mit trewen augen Vnd diensten die Zuempfangen, daruber zu geloben, Vnd zuschweren, so dick deß noth geschicht, in aller massen wie die so von
Vns empfangen, daruber gelobt Vnd geschworen hat, Vnd nemblich vmb alles deß Zuthun, deß wir Vnd seinen Vorfahren herrn von Maintz Wegen schuldig Vndt pflichtig ist zuthun, Vnd alß Mannlehens recht, Vnd gewonheit ist, ohn gefehr, Wir nehmen auch in dieses
Leihung vns, Vnsere Vnsere Nachkommen Vnd Ertzstifft Maintz, Vnsere Vnd Vndt eines ieglichen recht sonder gefehrde, deßen zu Vrkundt haben Wir Vnser Insiegel an diesen brieff thun hencken, der geben ist zu Aschaffenburg in Vnserm Statt Maintz
Dienstag den dreyßigsten Monats tag Julij Anno Domini Millesimo Quingentesimo Nonagesimoprimo: Vndt der obgenant Hanß Wilhelm von Rodenhausen, hat auch itzo vor sich Vndt in nahmen Wie obgemelt, solch lehen von Vns empfangen, daruber in
trewen gelobt, Vnd leiblich einen Eydt zu Gott Vnd den heiligen geschworen, allen dem ienigen getrewlich nach zu kommen, so obbemelter Vnsers Vorfahren seeligen lehenbrieff mit sich bringt, ohn gefehr, deßen zu Vrkundt haben Wir Vnser Insiegel an dießen
brieff thun hencken, der geben ist zu Aschaffenburg den Zehenden tag Monats Octobris Anno Domini Millesimo Sexcentesimo Secundo: Vndt der obgenant Conrad Eitelwolff von Rodenhausen, hat auch itzo vor sein selbs, Vndt nahmen Wie obgemelt Wegen solch
lehen von Vns empfangen, daruber in trewen gelobt, Vndt leiblich einen Eydt zu Gott Vndt den heiligen geschworen, allen dem ienigen getrewlich nach zu kommen, so mehr besagter Vnsers Vorfahren lehenbrieff mit sich bringt, ohn gefehrde, deßen zu Vrkundt haben Wir Vnser
Ex mandato E(minentissimi) D(omini) D(omini) Archiep(iscopi) Casimiri