Wir Damian Hartard von Gottes gnaden deß heiligen Stuels zu Maintz Ertzbischoff des heili
gen Römischen Reichs durch Germanien Ertz Cantzler vnd Churfürst, Bischoff zue Wormbs, Bekennen vnd thun kundt offentlich mit dießem brieff, daß Wir vff tödtlichen Hientritt
vnserer in gott ruhenden baiden nechsten Vorfahren Herrn Johann Philipsen vnd Herrn Lotharij Friderichs Ertzbischöffen vnd Churfürsten zu Maintz Christmilden andenckens, Vnsern
lieben getrewen Adolph Wilhelmen von Radenhausen den Ältern für sich selbsten vnd in nahmen seines bruders Conrad Adolphs von Radenhausen sampt beschriebener lehen gnädiglich
geliehen haben, leihen auch ihme dieselbe hiemit vnd in Crafft dießes brieffs, in allermaßen die Conrad Adolph von Radenhausen der Sohn, von den baiden Vnsern Vorfahren Herrn Ertzbischoff
Anselm Casimiren vnd vorhero von Herrn Ertzbischoff Wolffgang hochseel(igen) Andenckens, sambt Wilhelm von Radenhausen empfangen, vnd getragen, Inhalts Ihme d(a)z(u) darüber
gegebenen lehenbrieffs von wort zu worten hernachgeschrieben also lautendt; Wir Wolffgang von gottes gnaden, deß heiligen Stuels zu Maintz Ertzbischoff, deß heiligen Römis
schen Reichs durch Germanien Ertz Cantzler vnd Churfürst, bekennen vnd thun kundt offentlich mit dießem brieff, demnach Vnser lieber getrewer Hanß Wilhelm von Raden
hausen vnderthänig ersucht vnd gebetten, Wir wollen Ihme in Nahmen sein selbsten, auch in Crafft vbergebenen gewalts, Hanß Georgen von Radenhausen deßen Gebrüder, so lang vnd
Conraden von Radenhausen gebrüdern, Conradts hochs(eeligen) Söhne wegen, zue Mannlehen, so etwan sein Conradts Vatter hochs(eeligen) Vnd Hanß von Radenhausen deß ältern weilandt eheliche
Söhne, welchere ohn einige leibs Erben hingeschieden, von Vnserem Vorfahren Herrn Ertzbischoff Albrechten, löblicher gedächtniß, vnd Vnserem Ertzstifft von Newem empfangen vnd ge
tragen, vnd durch sein absterben von Vnserem Ertzstifft lediglich eröffnet vnd haimbgefallen seindt, vnd von berührtem Vnserem Vorfahren im Jahr der weniger Zahl
Zwantzig Zwoy von obbenanntem Eberharden von Radenhausen vnd seinen Mannlichen leibs Erben, haben, zu vnserem newen Mannlehen angesetzt vnd geliehen word(en), dergestalt, daß er Eber
hardt vnd seine Mannliche leibs Erben haben, zu Vnserem Newen Mannlehen angesetzt vnd geliehen worden, dergestalt, daß er Eberhardt vnd seine Mannliche leibs Erben schuldig
sein sollen, waß vor Zehendt oder andere lehen güter auß solchem lehenbrieff veräußert oder verpfändet waren, dasselbe wieder zu lößen, vnd von Vnß, Vnseren Nachkommen vnd Ertz
stifft Maintz zu haben, vnd zu tragen, vnd darauff sich erbötig gemacht, da Jemandt wehre, der die, oder den Namen von Radenhausen gäntz oder künfftig derentselben anspruch
oder forderung nicht erlassen wolte, denselben zu der Zeit Entweder mit Recht, Zins, deß Wir darauff deß, seine vnd obige bitt in gnaden angesehen, vnd haben Ihme Hanß Wil
helm von Radenhausen vor sein selbsten vnd gedachter seiner Gebrüdern vnd Mannlehen leibs Erben Erben wegen, nachfolgende Mannlehen gnädiglich geliehen, vnd leihen Ihme die hie
mit vnd in Crafft dießes brieffs, waß wir Ihme von gnaden vnd Rechtswegen obbemelter gestalt thun laßen, sollen vnd mögen, in allermaßen dieselbe weilandt Conrad von Radenhausen
vor sich auch Hanß Georgen seines bruders, vnd der Hanß Wilhelm vnd Eberhardt Gebrüder vnd Vettern von Radenhausen von Vnseren nechsten Vorfahren empfangen vnd
getragen hat, vnd seind dieß die lehen so von obbemelt(en) Nemblich die aigen leüth zu Brodeck Hofs vor treulassen theil, Item seinen theil deß Zehenden zu Blaubachhausen,
Item seinen theil deß Zehend zu Sybrichts hausen, Item Zwey theil deß großen Zehenden zu Gensenholtzheim, Item seinen theil deß Zehenden zu Dümstadt hausen, Item den
halben theil deß Zehend zu Dürnaw, Item Zwey pfundt Amöneburger Müntz mit einem Weißbrodt vnd eines schillings wehrt desselben Müntz auß der Mühlen zu Haintzelmeil,
Item fünffzehen schilling wetterawer pfennig von Vnsern vnd Vnsers Ertzstiffts gütern zu Cölb Windehausen, Vnd der obgenant Hanß Wilhelm von Radenhausen, hat auch
itzo vor sein vnd obgemelter seiner Vettern wegen solch obgedachte güter zu Mannlehen empfangen, darüber in trewen gelobt, vnd leiblichen aydt zu Gott vnd den heiligen
geschworen, Vnß, Vnseren Nachkommen vnd Ertzstifft Maintz getrew, hold vnd gehorsamb zu sein, Vnseren schaden zu warnen, frommen vnd bestes zu werben, solch lehen
getrewlich zu verdienen, mit trewen eiden vnd diensten die zu empfangen, darüber zu geloben vnd zu schwören, so offt es der noht geschicht, in allermaßen er die
itzo von Vnß empfangen, darüber gelobt vnd geschworen hat, vnd nemblich thun alles das zu thun, daß ein Mann seinem lehen Herrn von Mannlehen wegen
schuldig vnd pflichtig ist zu thun, vnd aß Mannlehen Recht vnd gewohnheit ist, ohne gefehrde, Wir nehmen auch in dießer leihung auß, Vnser, Vnserer Nach
kommen vnd Ertzstiffts Vnser Mann vnd eines ieglichen Recht, sonder gefehrde, deßen zu Vrkundt haben Wir Vnser Insigel ahn dießen brieff thun hencken, der
geben ist zu S(anct) Martinsburg in Vnserer Statt Maintz dinstag den dreyßigsten Monathstag Julij Anno Domini Millesimo, Quingentesimo Nonagesimo Primo, Vnd
der obgenant Wilhelm von Radenhausen hat auch vor sich vnd in nahmen obgemelt(en) seines bruders, solch lehen von Vnß empfangen, darüber in trewen gelobt, vnd leib
lichen aydt zu Gott vnd seinen Heiligen geschworen, allem dem Jenigen getrewlich nachzukommen, so obberührter Vnsers Vorfahren Vork(ommen) lehenbrieff mit sich bringt, ohne
gefehrde, deßen zu Vrkundt haben Wir Vnser Insigel ahn dießen brieff hangen laßen, der geben ist zu S(anct) Martinsburg in Vnserer Statt Maintz den Acht vnd Zwantzigst(en)
Monathstag February Anno Domini Millesimo Sexcentesimo Septuagesimo Sexto. /