Wir anthoni lengker gesess(en) In der Vill gewaltiger Gerhab weil(en) wolfgang(en) wernhart In passau selign elich verlaßen khind mit namen
Margreta Vnd Ich hans lehner gesess(en) In der Vill des benant(en) wolfgang(en) wernhart selign elicher Sun Bekhennen mit disem offenn brief vnd thund khunt
allermänigclich Das Ich benanter anthoni lengker an stat als gewaltiger Gerhab des bemlt(en) wolfgang(en) wernhart selign khind vnd Ich benante hans lehner
rechter vnd redlicher verraiter schuld schuldig sein worden Dem Erbern Cristan oberman zu Staben vnserm lieben vettern Nemlich ainvndzwaintzig markh
guter guet(er) gewonlich(er) Meraner munz vnd lanndswerung So er dem vorgenan(ten) wolfgang wernhart seinem bruder vnd vnserm vater vnd vettern selign Inn
sein(er) not vnd anderm geben hat Der wir vns hieInn gar vnd genzlich bezalt außgericht vnd gewert sein zu der zeit handl die durch an abgang vnd on
allen schaden Vnd vmb die gemlt(en) Sumen gelts verraitter schuld Ich obgenanter anthoni lengker an stat als gewaltiger Gerhab des benan(ten) wolf(en)
wernhart selign khind genant Margret vnd fur all sein Erben Vnd Ich benante hans lehner fur mich vnd all mein Erben Dem obgemlt(en) Cristan ob(er)
man vnserm vettern vnd allen sein Erben In namen ains recht(en) stät(en) vesten vnd vnwiderrüffenlich(en) Ewigen kauffs hingeben vnd verkaufft hab(en)
verkauffen vnd geben Im auch wissentlich In kraft ditz briefs Also das nach dem lanndtrecht(en) der Graffschaft Tirol ain aller pesten kraft vnd macht hab(en)
sol vnd mag fur aigen vnd vnbekumert(en) gut von mäniclich(en) benantlich die hernach berurt(en) aigen stukh geleg(en) Im Gericht Castalbell dem obgenan(ten)
wolfgang wernhart vnserm vater vnd veter In tailung(en) zugesproch(en) vnd an vns als seine khind vnd Erb(en) erblich(en) gefall(en) aIn stukh(en) aIn Egerlein
ist anderhalb tagmad wisen Newent sand laurentz(en) kirchen ob der alt(en) strass genant plockegert Stost daran morgengalb ain gemainer khunst zu mit
tentag aber der gemain khunst abentgalb ain Egert zinst den slaundersperger vnd zwor der hueber zu staben zu der vierden seiten ain akher genant
der psoch akher zinst den karterisern In snalß pawr yetz vlrich messner zu staben aIn ain stukh akher ist dreys vierttail gelegen Nebem zablander
wisen genant pispcholtz stost daran morgengalb ain akher vnd ain wis genant das hölzl gut zinst den karterisern In snalß zu mittentag
ain gemainer wal vnd ain Egert genant sand Niclas Egert abenthalben zablander wisen zu der vierden seiten ain akher genant der grunt
vorbehalten den bemen stukh wisen vnd akher waier Gherewt(en) In die gatzen rintug wäxen Auch vorbehalten acht pännd zins zins aus den
gemlt(en) wisen vnd akher zu ainem ewig(en) Jartag gestifft(en) Also das nun hinfur ewiklich(en) der obgenant Cristan oberman vnser vetter vnd
all sein Erben die obgemlt(en) zwai stukh wisen vnd akher In aigen vnd ewig(en) kauffs weiß mit Imsamt auffart weg steg wasser wasserlaitung
vnd mit allen andern Iren recht(en) Nuz(en) pessrung vnd zugehörung(en) wie die von alter zeugt darzu vnd darvon geborn besuecht vnd
vnbesuecht erpawen vnd vnerpawen nicht außgenomen fridlich vnd geruiklich(en) Innhaben haltn besitz(en) nuz(en) vnd niess(en) alles vnd ain yeg(en)
lichs damit thun lassen handlen vnd wandln irn verkauffen versetz(en) durch got seel hail vnd leibs notturft geben vnd allen Iren willen Nuz
vnd fromen damit schaffen sullen vnd mugen In allweg(en) als dann ain yeglich(er) person seins kaufft(en) vnd selb(en) sein aigen erkaufft(en) guet(en) wol
thun sol vnd mag Nach dem obgemlt(en) lanndtrecht(en) On alles Irrsal Irrung hindernus oder widersprech(en) mein obgenant(er) Gerhab an stat des ob
genant(en) khinds das gemlt khind vnd seine Erben Auch mein obgenant(er) hans lehner vnd aller meiner Erben vnd mäniclichs von vnsern wegen
wann wir der obgenan(te) verkauffer anthoni lengker an stat als Gerhab des obgedacht(en) khinds vnd fur all sein Erben Auch Ich obgenante hans lehner
fur mich vnd all mein Erben der obgemlt(en) zway stukh wisen vnd akher hiemit genzlich verzig(en) haben verzeih(en) auch mit ganzer lauter stater ewiger
furzicht Nemen die auch aus vnser vnser vnd des obgemlt(en) khinds vnd aller vnser Erben Nuz gewalt vnd gewer Vnd antwurtt(en) die dem obgemlt(en)
Cristan oberman vnserm vetter als kauffer vnd allen sein Erben In Ir Nuz gewalt vnd gewer Söllich(er)mas das Ich obgenant(er) Gerhab an stat des
obgemlt(en) khinds das gemlt khind noch sein Erben Auch Ich obgenante hans lehner noch mein Erben noch nymand von vnsern wegen Nun hin
fur ewiklich(en) zu den obberurt(en) stukh(en) wisen vnd akher kain ansprach zuspruch vordrung noch ersuechung mehr mer haben sullen fur(en) noch be
gynnen In dhain(er) weiß wir obgenan(te) verkauffer anthoni lengker als gewaltiger Gerhab des obgedacht(en) khinds vnd hans lehner fur mich selbs
geloben vnd versprech(en) fur vns vnd an stat des obgemlt(en) khinds vnd fur all vnser Erben Dem obgemlt(en) Cristan oberman vnserm vetter vnd
allen sein Erben vmb den obberurt(en) kauff der obgedacht(en) zway stukh wisen vnd akher Ir recht(er) gewern furstand vnd vertretter zesein vor män
iclich(en) recht(en) gaistlich(en) vnd weltlich(en) wo wir vns wenn In des notturft besuecht krieg oder Irrsal In darjnn getan wurd(en) In das verantwurt(en)
vnd austragn on alln Irn schaden Vnd tet ainer versawmbnus vnd verhinderung mein obgenan(ter) hans lehner vnd des obgedacht(en) khinds hab vnd
gueter gagenwurtige vnd kunftige alzeit wie gewonhaft recht ist nach dem obgemlt(en) lanndtrecht(en) der Graffschaft Tirol getrewlich vnd
angeuerde Des zu vrkhundt der warhait Geben wir obgenan(te) verkauffer anthoni lengker an stat als gewaltig(er) Gerhab des vorgenan(ten) wolfgang(en)
wernhart selign khind gen(ant) Margret vnd fur all sein Erben vnd hans lehner fur mich vnd mein Erben Dem obgemlt(en) Cristan oberman vnserm
vettern vnd allen sein Erben disen offenn kauff brief versigelt Vnd er des furfichtig(en) vnd weis(en) herrn h(er)rn zu Gam h(er)r(en) zum stäin aigen anhan
genden Insigel das er von mein obgenan(ten) anthoni lengker als ains gerhab vnd mein benan(ten) hans lehner als selbsschuld vleyssiger vnd getrewer pete will(en)
daran offennlich gehangen hat Doch Im vnd sein Erben on allen schad(en) Vnd wurd(en) wir vns yezund(en) haben alles an disem brief verzeich(en) bestetigt
zuhalt(en) vnd wider das Insigel nicht zured(en) In dhain(er) weiß Der wir zugezeug(en) sind gezeug(en) die Erbern vnd weis(en) herr ab Jägers hans
welder der süeß ambtman Caspar hättl von latsch Caspar salmon gescheh(en) an sand Nicolaus tag des heylig(en) pischoffs Nach Cristi
geburt vierzehenhundert vnd In dem sechsten Jare