Frater Joannes Baptista Ceschi a Sancta Cruce
Dei Gratia
Sacrae Domus Hospitalis Sancti Joannis Hierosolymitani et Militaris Ordinis Sancti Sepulcri Dominici
Magister humilis pauperumque Jesu Christi Custos
et Nos Commendatarii et Fratres Venerandum Consilium in Domino celebrantes
Suae Celsitudini Serenissimae Mariae Principissae de Thurn et Taxis natae Principissae
de Hohenlohe-Waldenbourg-Schillingsfürst Nobis dilectae salutem in Domino sempiternam
Generosa tua nobilitas, morum suavitas, tuique erga Ordinem Nostrum animi propensio ac devotio, quibus apud Nos summopere commendaris, Nos
hortantur, ut ornatiorem personam tuam singulari benevolentiae significatione complectamur. Nos itaque de Nostra certa scientia tenore praesen-
tium te inter honoris et devotionis Dominas Ordinis Nostri recipimus tibique ut Crucem auream ad figuram habitus Ordinis Nostri formatam locis
et pectoris parte ad unam devotionis causa gestare et deferre valeas indulgemus plenamque licentiam et facultatem concedimus et elargimur. Ea ta-
men adjecta lege ut si aliquando viduata (quod Deus avertat) alio viro nupseris propria conditione inferiori praesens gratia nulla ipso facto intelligatur.
Eaque ea insuper adjecta lege ut studeas nullo te vovere comitatui vel institutioni cujus regulae ea tibi praecipiant personalia charitatis et beneficen-
tiae munera obire quae nonnullis temporibus et praesertim bello statu ab eis qui inter honoris et devotionis Dominas Nostri Ordinis recensentur prout quoque
postulant et quatenus vires suppetant explenda sunt. Praeterea irrogare intium te omnibus indulgentiis et gratiis spiritualibus quibus ob privilegia a Sacro-
sancta Sede Apostolica Nobis et Ordini Nro concessa Fratres Nostri aliique Ordini Nro addicti utuntur fruuntur et gaudent uti frui et gaudere de-
cernimus et declaramus: nec non omnium Missarum Orationum piorumque Hospitalis et Militiae pro Catholicae Fidei tuitione operum quae in dies
a Fratribus Nris terra marique, Deo largiente, fiunt, participem in Domino facimus et omni meliori modo esse volumus. Dummodo quoque praesentes
Nostras concessionis declarationis et participationis Literas referri facias in Actis Tabularii Ven(erandi) Nostri Prioratus Bohemiae. Praecipientes univer-
sis et singulis dictae Domus Nostrae Fratribus quacumque auctoritate dignitate officioque fungentibus praesentibus et futuris in virtute S(anctae) Obe-
dientiae ne contra easdem ullatenus facere vel venire praesumant, sed eas studeant inviolabiliter observare.
In cujus rei testimonium Bulla Nra communis plumbea praesentibus est appensa. Datum Romae in Aede Magistrali die vigesimasecunda
Mensis Februarii Anno 1885. ab Incarnatione juxta stylum Nostrae Cancellariae secundum vero cursum ordinarium Anno
Millesimooctingentesimooctuagesimoquinto
Pro int(erim) Ven(erando) Magno Cancellario Locumtenente
Registrata in Cancellaria Mag(istrali) N(umer)o 5291
Bajulivus Frater Maximilianus Caccia, Procancellario