Wir Alb(re)cht von got(es) gnaden H(er)tzog ze Ost(er)r(eich) ze Steyr vnd ze Kernden Tůn chůnt Das wir angesehen
habn di getr(e)w(e)n willigen dienst di vns vnd vnsern erben der edel Graf fridr(ich) von Tokenburg vnd
sin erben getån habent vnd ouch hin furbas tůn mugen vnd sulen vnd habn im vnd sinen erben
ze rechtem lehn verlihen vnd leihen ouch vns(er) Vest gartzemin(n)s mit alle(m) dem so darzu geho(e)rt Also
daz er vnd sin erbn vns vnd vnsern erbn vnd vnsern vogten an vnser stat mit derselbn Vest gartze=
min(n)s suln ewichlich vnd aus aller menchlich(e)n wartent vnd gehorsam sein dar in en(n) dr(e)n aus
ze lassen zü allen vnsern vnd vnser(e)s landes notdurften swenn wir od(er) vnser erbn od(er) ein vogt von
vns(er)n wegen des an sin vordert mit vrkúnd ditz brifs besigelten mit vns(er)m groz(e)m anhangen=
dem Insigel Der gebn ist ze Pruk an d(er) pruk(e)n an eritag nach sand michels tag nach Cristes
gepurt dreutzehen hund(er)t iar darnach in dem vir vnd fumfzigstem Iar