Ich Bernhart vonn schauwenbourgh frey zu erings
vnd schudtings, Statt halter des hertzogthumbs
Lutzembourgh vnd Graffschafft Chiny,
gubernator vnd probst zu diedenhofen et(cetera)
Bekenn hiemit das die wolgeborn vnd Edelle
~...~ ~...~ frey zu erings ~...~ zu rutting
Ritter vnd Rithe der Edlen des lantz
Lutzembourgh vnd graffschafft Chiny,
damen von palant d(er)mitz bellis zu lotting
vnd Jacob von Rollingen et(cetera) als gemeine
hern zu meilbings, mir obengeschrieben
von schauwenbourgh, durch freuntschafft vnnd
gutten willen vergunth haben, In Jhrer
herrschafft meilbings zu Jagen, So langh
als es gemelten hern zu meilbings geliept
vnd nit lenger, angesechen genanten hern mir
die Jagh vergunen vnd zugelaissen, verplicht
Jch mich hiemit, das Jch daudurch ghar kein
gerechtighait beger zu schepffen, der zu haben,
In obgenanten herschafft, von weg(en) der probstie,
oder sonst meiner empter die Jch disser zeitt
tragen, des zu waren vrkhondt habe
Jch diesen brieff mit meiner gewonlicher
hantschrifft vnderscheiben, die geben wart
den xxvij(ten) tages Januarij Anno xvc lxj
Triffte vbenigs
B von schauwenbourgh
~...~