Ich Graue Hainrich von Spanheim der Römische(n) vnde fraw(en) der Römischen künigin käm(m)erer
enbiete(n) hern Hainrichen dem Marschalk von Bappenheim minen gruz. vnde enbiut aich daz her
Arnolt der Tumprobst von Eysteten kom für gerichte an des capitels stat vnde der
korher(e)n von Eysteten an dem dunnstag vor sant valenteins tage. vnde versprach die
Bürg ze Wülzspurch vnde andere ir gut dar uf ir wurdent geclaget. vnde habe
ich aich baiden dar vmbe ainen tag geben her ze Röm an dem mantage nach sant Mat
hias tage. Der brief wart geben an dem dunnstag vor sant valenteins tage do man
zalte von Gotes gebürte driuzehen hundert Jar vnde in dem zehenden Jare.