Research catalogue

Explore the charters

Search simply first. Refine only when the research question requires it.

R3_PERIOD_CONTEXT

G_14

CZ-ZAO > RD-Opava > G_14

Source: MonasteriumAI palaeographyAI interpretation
Page 1 / 2
G_14, page 1
View
Transcriptiongemini-3.1-pro-preview
IN NOMINE DOMINI AMEN.
Cum actus humanarum rerum ob prauam nostrae labilis memoriae sortem, quandoque necessitate exigente ad posteritatis noticiam minime perueniunt
nisi monimentis litterarum, et scripturarum testimonio perenniter roborentur. Idcirco nos infrascripti Patres et fratres Conuentus Opauiensis S. Ven:
ceslai ordinis Praedicatorum notum facimus tenore praesentium vniuersis et singulis quorum interest: quod Generosa ac Magnifica Domina Constantia Po:
rembska de magna Poremba et in Polanka, vt specialem suum erga nostram Religionem affectum declararet, nec non vt animae suae saluti in
tempore prospiceret insignem nostro Conuentui liberalitatem exhibuerit Mille quingentos florenos Silesicos in vnumquemque florenum grossos
Triginta sex computando, perpetuo dedit, donauit, inscripsit, ac in bonis suis haereditarijs nempe in Polanka, maioris certitudinis gra:
tia roborauit. Proinde vt tantum beneficium vt pote perpetuo duraturum nostra gratitudine praefata Generosa ac Magnifica Domina Constantia Porembska
de magna Poremba et in Polanka recompensemus: tenebimur omni die de anno in annum, nisi Festa solemnia impediant tam pro super:
stite, quam pro deffuncta Missas in sacello ipsius crate ferrea viridi circumsepta ab ingressu in templum in parte dextra, vbi et altare glo:
riosissimae virginis MARIAE assumptae impensis illius est depictum, et statutum, celebrare. nempe die Dominico de SSma Trinitate,
vel de S Spiritu. Feria secunda de Angelis. Feria tertia de SSmo Nomine IESV. Feria quarta pro Peccatis. Feria quinta de S. Cruce.
Feria sexta Requiem. Sabbato de B. Maria virgine. Ex qua quidem Summa nuncupata de facto Conuentui reposuit florenos Vngaricos
ex alijs autem Quingentis censum quotannis persoluere tenebitur florenos triginta pro termino S. Venceslai. Vbi autem hanc Summam re:
posuerit de tribus alijs quingentis florenis tunc primum censum tenebitur Conuentui similiter persoluere. Cum autem siue in parte, siue in
toto de Summa praefata, reposuerit Conuentus eandem Magnificam Dominam totiens quotiens aliquid reposuerit immutata quietatione, quie:
tare tenebitur. Ac vbi de integro Summam Mille quingentorum florenorum supranominatorum Conuentui reddiderit, quietationem eidem capi:
talem vel haeredibus reddere tenebitur. Porro vt ea quae a nobis pollicentur firmitatis robur temporibus futuris habeant, toto Conuentu
ad sonum campanae capitulariter congregato, ac omnium fratrum consensu libere diligenter requisito huic obligationi praefatae benefa:
ctricis nostrae acquieuimus, simulque nos de facto obligamus, atque pro posteris ac successoribus nostris spondemus, quod ea omnia praemissa
diligenter et inuiolabiliter peragentur. In cuius rei fidem et euidentius testimonium praesentes manibus nostris subscripsimus, et sigillo
Conuentus nostri muniuimus. obnixe A. R. P. Prouintialem rogantes, vt eandem obligationem nostram propria manus subscriptione roboret
ac sigillo officij sui communiat. Actum et datum Opauiae in Conuentu nostro S Venceslai die duodecima Maij, Anno Domini Millesimo
Sexcentesimo Quatuordecimo. Fr(ater) Michael Twardouius Praedicator Gratis(simus) Prior Conuentus Oppauiensis S. Venceslai m(anu) p(ropria)
Fr(ater) Felix Cracouiensis Supprior eiusdem Conuentus Opauiensis m(anu) p(ropria) Fr(ater) Adrianus Con(uentus) Crac(ouiensis) praedicator Generalis et Ordina:
rius oppauiensis m(anu) p(ropria) Fr(ater) Alexander O(rdinis) P(raedicatorum) S(acrae) Th(eologiae) Lector Conuentus Crac(ouiensis) manu p(ropria) Fr(ater) Ceslaus a Cronachia
de Conuentu Wratislauiensi Pater m(anu) p(ropria) Fr(ater) Dionysius Slossinski Con(uentus) bochniensis Praesentatus m(anu) p(ropria)
Fr(ater) Vrbanus de Conuentu Crac(ouiensi) Sacrista m(anu) p(ropria) Fr(ater) Hyacinthus Dicig subdiaconus m(anu) p(ropria)
Fr(ater) Ioannes Prouincialis poloniae, et Ducatus Silesiae ordinis praedicatorum, Confirmo m(anu) p(ropria)

Scholarly transcription markup

(text)
Expanded abbreviation; the letters in parentheses are supplied.
~text~
Minor uncertainty.
|text|
Serious uncertainty.
¦text¦
Fragile reading.
<text>
Contextual reconstruction not securely visible.
# / #3w
Visible but unreadable writing.
^3w^ / ^2l^
Physically missing or damaged passage.