Mes treshonnorez et doubtez s(eigneu)rs mess(ieu)rs les p(re)sident ensemble aultres mess(ieu)rs les gens du grant c(on)sil de lempereur n(ot)re sire a malines Je han bolex
huissier ordinaire dud(it) sire empereur en la chambre de son conseil a luxembourg et le v(ot)re honneur s(er)viteur sentre(m)et avec toutte humble obeyssance
plaise vous scavoir q(ue) p(ar) vertu de certaines l(ett)res patentes en forme danticipacion aux marges des quelles ceste ma relacion est atachie impetrees
et a moy p(re)sentees de la part de messire nicolas p(re)stre cure de temmels duchie de luxembourg Et a sa requeste ce jourdhuy vij e jour
davril lano xv c xxx me suis transporte au lieu de the(m)mels verz la p(er)sonne de thijs voff thijsse auquel en p(re)sence de s(ir) jhan
thijs de omestroff et steyn thijs de temmels ay fait monstre et lecture de ceste p(re)sente anticipacion tout au long et fait lay
ajourne et luy assigne jour destat et comparoir p(ar)devant vous graces au lieu de malines sur le vendredi xvij e jour du mois
de may prochainement venant pour illecq monstrer et faire apparoir des diligences par luy faictes davoir p(ro)seut son appel en
temps deu icellui veoir declarer desert et p(er)du par moing que souffisant cause faicte dont ou du moing dire les causes de son
appel et y proceder et aller avant come de raison / Sur quoy led(it) thijs van thijssen ma respondu quil navoit point
appelle en brabant et ny vouloit aussj point appeller / mais il vouloit accomplir a la sentence de luxel(mbourg) tout au long
et selon q(ue) mess(ieu)rs les gouverneur et gens du c(on)sil de luxel(mbourg) lavoyent rendue / et q(ue) en oultre il se vouloit transporter
verz le susd(it) cure pour veoir sil pourroit trouver moyen de soy accorder avec luy pour les despens que led(it) cure
auroit eu et debourse pour avoir obtenu ceste p(re)sente anticipacion / et ou cas q(ue) ne pourroit avoir appoinctement
avec luy dont il compareroit come obeissant au susd(it) jour p(ar)devant vous graces au lieu de malines treshonnorez s(eigneu)rs
le tout q(ue) dessus vous certiffie p(ar) moy ainsj avoir este fait intime et exploictie tesmoing mon seing manuel ci mis
lan et jour q(ue) dessus
J bolex huissier