Dem durchleuchtige(n) hochgebornne(n) furste(n) vnnd
herrn herrn bernhartte van(n) gotz genade(n) Margraue
zo bad(en) graue zo spanheym gubernator gnal
der lande lutzimburg vnnd graue schaffte chyny
sampt de(r) key(serlichen) maiestait rette zo lutzimburg
Entbitte Jch Johan(n) colir anwarter myne
schuldeplichtige gehorsam(m)e dinst vnnd
fuge v(ch) g(enaden) sampt de(n) key(serlichen) rette(n)
zo wyssen das Jch Jnkrafft hiryn(n) beschlosse(n)
konillgi(chen) mandait vnnd vff ansoiching eyschen(n)
vnnd begerde des strengen(n) wirdige(n) herrn
herrn diderich van(n) Nassawel amt com(m)endeur
der baillyen lothringe(n) (et)c(etera) als vertretter der
brudermeist(er) zo theunis mych gefugt zo sulcher
vnnd gericht an(n) eyn(n) syn(n) machern vnnd Jme
lu(t) by gehaltin(n) konillgi(chen) mandait van(n) woirt
zo woirt vurghalde vnnd sie betagt vur v(ch) g(enaden)
sampt de(n) key(serlichen) rettern zo wyssen vnnd
erschynne(n) vff den(n) ersten(n) tag der nist kumpstige(n)
lintzgen(n) den gnall appellir vff syn(n) beswernus
so er alsdan(n) vur v(ch) g(enaden) wirt zo antbirtte