Wenceslaus van boeme bider gratien gots hertoghe van lucembourch van loth(aringen) van brabant van lymborch marcgraue des heilichs rijcs Ende des selts op die side sastebierechs vicarijs generael
Ende Johanne bider seluer gratien hertoghinne ende wriue der seluer lande doen kint allen luden dat want die commandeur die prouinciael ende die bruder vander duytsscher ordenen
vander baillien vanden biessen bi ons ten der tiden hertoghen in brabant vry hebben gheleest si ende alle haer goide van allen diensten arbeiden taillen beeden ende allen anderen saken
om dat si ridderen sijn So willen wi si houden in allen haren vriheiden Ende hebben om die speciael onst die wi tot hen dragen om dat si onder ons sijn connen woenen tot trechte hen ende alle
hare goide ghevryet Ende vryen van allen beeden arbeiden taillen ende allen andern dyensten soe waer si onder ons in onsen lande van brabant van outmase van dalfsem van valkenborch
of eldre binnen onser herlicheit glegen sijn tot eweliken dagen Ende confirmeren hen alle haer preuilegien charten ende brieue ende haer vriheiden die si van onsen vordonden hebben die wy
willen dat in hare machten ende virtuen bliuen gelijc ende in aldar manieren dat si ghescreuen ende ghegeuen sijn Ontbieden daer om allen onsen bomschriuen drossaten ende rychten die nu sijn
of hyr namaels van onsen weghen sin selen dat si den voirs(creuen) commandeur prouinciael ende brud(er) vander duytsscher ordenen paysselic vredelic en rastelic houden in hairen voirs(creuen) goiden ende vriheide
sonder tallie beeden of dyenst van hen te nemen also lijef als onse hulde ende haren dyenst hebben te behouden ende smid des ander ghebot van ons te wachten of van yemen anders van onsen weghen
Behoudelic alwees dien of si goide achten bynnen onsen voirs(creuen) landen die dyenst sculdich weren dat die goide alwees alsulken dienst souden moeten doen ende gheuen als te doen ende te gheuen
plagen eer si die cochten of vercregen sonder argelist In welks dinc ghetughnissen wi onse segelen ghehangen hebben aen desen brief Ghegeuen tot bruessele vier dage in mey Int jaer ons
heren als men screef dusent driehondert tseuentich ende seuen

Jux(ta) d(omi)nos ducem et ducissam p(re)sentibus d(omi)no de lecka
de wesselaer de bouschout et de drutham militib(us)
et consiliarijs quor(um) mandato hec l(itte)ra est sigillata
Specht