Ich Stephan von meysowe Marschalch in Osterreich tůn chunt an disem brief und
tůn chunt allen den die in sehent oder horent lesen den Gegenwůrtigen und
den chůnftigen daz Ulreich der waltærer sein erbpuftez aigen den hof datz
Nůrstal hinder mich gelazt hat und hat mir den ledichleichen aufgeben und
han ich im den selben vorgenanten hoff gelichen ze rehtem lehen und allen seinen
chinden Sůnen und tochteren und allen seinen erben und seinen Náchchomen die
er nv hat oder die er noch gewint den schol ichs ouch leichen ze rehtem lehen
als im und ob dem vorgenantem Ulreichen dem waltærer oder seinen Erben od(er)
seinen Náchchomen des dvrft geschæch daz si den vorgenanten hof datz Nůrstal
verchvmbern wolten mit chouffan oder mit versetzen oder mit dehainen sachen
so schol ich oder mein Erben sie des an nit mærre irren und schol den selben
oftevorgenanten hof leichen swem si in haizzent leichen an alle widerrede mit
allem dem reht als vor gesprochen ist und daz im Ulreichen dem waltærer und
allen seinen erben und seinen Náchchomen div rede also stæt und unzůchert und
unzeprochen belaibe furbaz von mir und von minen Náchchomen dar vber gib ich
im und seinen Náchchomen disen brief mit meinem hangendem insigel versigelten
und vuestanten zemein wæren urchunde und zemein Gezeuge und ist daz den erben
Levten gewizzen die hernach geschriben sint daz ist her hainr(ich) von Gweichspach
her Marquart von zwetel her Otto von pargarn her Gottschalch von divtental her
Otto von frithæstorf her Otto von pebrůn Wernolt von pebrůn hainr(ich) und
herman von frithæstorf Otto und Gebhart die Erleins Arnolt und herwart von
hvghinge Ortwein von walchowe fridreich d(er) hauenpeche Ulreich d(er) walchower
Rvdel d(er) Grůb(er) und anderre biderber levt genůch Der brief ist geben datz
chremmowe nach christes gepůrde vber drevzehenhundert iar dar nach in
dem dritten iar des naehstens an sand philippes und sand jacobs tag