Forschungskatalog

Urkunden erkunden

Beginnen Sie mit einer einfachen Suche. Verfeinern Sie erst, wenn die Forschungsfrage es erfordert.

R3_PERIOD_CONTEXTgeben ze Wienn (1315) des phintztages vor sant Johanstag baptist. Source

1315_VI_19

AT-StiAG > GoettweigOSB > 1315_VI_19

Quelle: MonasteriumKI-PaläografieKI-Interpretation
Seite 1 / 2
1315_VI_19, Seite 1
Ansicht
Transkriptiongemini-3.1-pro-preview
Ich Wernher von Topel Hofrihter ze Osterreich vergich mit disem brief vnde tůn kunt allen den
di disen brief lesent oder horent lesen daz mich der erber man her Heinrich d(er) Kaltenbech
pharrer ze Kuliub gevodert vnde genomen hat vor dem erbern herren h(er)n Dietrichen von pilichdorf
Marschalich in h(er)tzogtum ze Osterreich ze einem vogt vnde ze einem schirmer siner chirichen Kuliub
vnde alles des dar zü gehort lüt vnde gůtes der min herren di hertzogen recht vogt sint vnde
han ich mich di selben vogtay von in wegen an genomen durch got also daz ich den vorgnanten
pharrer sin chirichen vnde swaz dar zü gehort an miner herren stat d(er) hertzogen beschirmen vnde
vogten sol mit gůten triwen so ich best mag di wil mich d(er) vorgnant pharrer oder sin nachkom
ze einem vogt haben wil swenn aber er mich verchiesen wil vnde in einen and(er)n vogt nemen
des schol ich in noch min erben mit dheinen dingen irren wand wir dhein recht haben an d(er)
vorgnanten vogtay Ich sol ouch nicht mer nůtzen von d(er) vogtay noch mer nemen vnde ouch nicht
vergrifen an dheinen sachen dann vorgewont ist vnde her Alber von chunring d(er) e vogt
da gewesen ist genomen hat von d(er) selben vogtay Ich sol ouch dcheinem minem diner noch
dheinem minem aygem mann noch dcheinem minem holden gegen des goteshus holden
dcheines vnrechten hengen noch dheines gewaltes gestatten vnde gib dar vber disen brief
besigelt mit minem Insigel vnde mit d(er) erbern herren Insigel h(er)n Dietrichs von pilichdorf
des Marschalichs vnde h(er)n Vlrichs von walse Der brief ist geben ze wienn nach gotes
gebůrd dreutzehen hund(er)t Iar dar nach in dem fůnfzehenden Iar des phintztages
vor sant Iohans tag baptist

Wissenschaftliche Transkriptionszeichen

(text)
Aufgelöste Abkürzung; die Buchstaben in Klammern wurden ergänzt.
~text~
Geringe Unsicherheit.
|text|
Erhebliche Unsicherheit.
¦text¦
Sehr unsichere Lesung.
<text>
Kontextuelle Rekonstruktion, die nicht sicher sichtbar ist.
# / #3w
Sichtbare, aber unlesbare Schrift.
^3w^ / ^2l^
Physisch fehlende oder beschädigte Passage.