Ich Gundold von aezumburch perchmaister der weingarten ze
Hostem an der taissen das ver gich offenleich vnd tun chund alln
den di nu sint vnd her nach chunftich werdnt di disn prief ho
rent oder sehnt lesn daz der erber man maister dietrich der
pfarrer von chotwe ze der zeit do er daz wol moht getun mit an
dahtem mut willechleich hat sinen weingarten ze hostem an der tais
sen ins ewicleich hat gescheffet in di chlos(ter) ze chotweich den
vorgnanten weingarten hat im her helmweich sein vetter der pfar
rer von poenhaim gegebn won er den vm sein vater gut hat ge
chauft mit solicher beschaidenhait daz man in paiten nimer ewi
chleich vmb aller ir vodern sel iarlich begen sol daz dise sache
stetich bleib an allen chriech vnd vmb vnzerbrochen hat ich dem
vorgnanten chlos(ter) ze chotweich gegebn ze ainem stetigem vrkunt
vnd ze ainer steten sicherhait disn prief beslozzen mit des erbern
herren insigel hern otolfs des thechnt von chrems vnd meim ins
insigel des sint geug der chunhart von terna chunhart vnd
alber sein sun vlrich der woltret vlrich von prunn chvnrat d(er)
hvntpech leutwein englschalch albrecht d(er) pilger vnd ander erber
leut den daz chund ist vnd gewizzen diser prief ist gebn ze chot
weich do von christes gepurt warn ergangen dreuzehn hundert
iar in den sehzehntem iar daz nahst an sand gregorgen tach