Ich volcher hern herborts sun von wielantstal vergihe an dem prief allen den di in lesent oder
lesent horent di nu sint oder nach chunftich werdent daz ich mit verdachtem muet vnd guetem willen
vnd rat meiner freunt der nêsten vnd der pesten zder zeit do ich iz wol getuen mocht han gegeben
ledichleich einen zehent datz puzeling ze veld vnd zedorf chleinen vnd grozzen . dem erbern herren
apt gotschalchen vnd seinem gotshaus ze chotweich vmb zehen pfunt pfenning wienner munizz
der ich recht vnd genzleich gewert pin . vnd zu ainer ewigen bestetigung diser sach gib ich
dem vorgenanten erbern herren apt gotschalchen vnd dem gotshaus ze chotweich disen prief ver
sigelt mit meinem insigel vnd mit der erbern herren insigel hern chuenrates von tiernstain
vnd hern albers von totzestorf . des sind auch gezeug . her ott vnd her toetz von wezzenberch
her wernhart von puzdorf her poeter von gaudarn wisent von prunn . Albrech der
richter von spald vnd ander erber leut genuech den di sach wol chunt ist . der prief
ist gegeben vnd ditz ist geschehen do von christes puerd ergangen warn tausent jar vnd
drei hundert jar vnd dar nach in dem achzehenten iar an sand Elspeten tag datz chotweich .