Jch Otte h(er)r He(i)nrichs sun von Has(en)berg v(er)gich offenlich mit disem brief daz mein l(ie)bev hous
vrow(e) vrow(e) Alheit h(er)r Otten tocht(er) von E(n)n(en)s den baiden got genad ze den ziten do
si ir sel g(e)r(e)t(e) macht(e) v(n)d mit m(ir) vrunt(e) willen v(n)d rat v(n)d sundarlich mit min(er) v(n)d
ir(er) bruder Vlrichs von E(n)n(en)s v(n)d G(e)rdrut(e)n ir v(n)d miner tocht(er) gutem willen v(n)d
gunst(e) g(e)schafft hat v(n)d lout(er)lich gegebn hat v(n)d ovch d(er) vorgena(n)nt(e) mit sam(e)t ir dem
gothus ze kulu(m)b ain hofstat an dem Gatenberg in der gesm(a)t(e) mit all(e)r d(er) e(r)n dar zv ge
hort gesifft v(n)d vngesifft gebowen v(n)d vngeboven ze holtz geveld ze dorf ze vel swie ez ge
na(n)nt ist mit vreyer aigenschaft als ez ir gewesen ist v(n)d in ir(er) v(n)d in g(e)walt h(er)r brud(er)
hat v(n)d haben wir den erbn man h(er)r He(i)nr(ich) den kaltenbech(e)n ze den ziten pharr(er) ze kulu(m)b
des vorgena(n)nt(e)n gutes recht(e) v(n)d redlich g(e)waltich gemachet ze allem dem recht(e) als vor g(e)schrib(e)n
ist Ez schal ovch des egena(n)nt(e)n gutes dhein erb(er) noch niema(n)d and(er) voyt sein da(n)n swa(n)n im
d(er) pharr(er) dar vb(er) selb ni(m)mt v(n)d der als lang swa(n)z er in sein g(e)b(e)t v(n)d daz daz also stet
beleib v(n)d vngebroch(e)n gib ich d(er) vorgen(a)n(n)t(e) Otte fur mich fur min housvrow(e)n v(n)d fur ir v(n)d
min erben dem gothus ze kulu(m)b disen brief brief besigelt mit min(e)m insigel v(n)d sint
g(e)z(eu)g(e)n ovch g(e)z(eu)g h(er)r cholm v(n)d h(er)r jans von E(n)ns(e)nbach h(er)r dietr(ich) d(er) E(n)n(e)s d(er) a(n)nd(er)
d(er) edler von dem halz ein and(er) piderbl(eu)t g(e)nug d(er) brief ist g(e)b(e)n ze kulu(m)b
nach christes g(e)purt drevzehen hund(er)t jar dar nach in dem n(eu)nzehendem jar
an s(an)nt(e) M(a)rgret(e)n tag