Ich chunrat von valba vnd ich alhait sein hausvrau wir veriehen vnd tuen chunt an
disem prief allen den di in sehent oder horent lesen di nu sind vnd hernach chunftich wer
dent daz wir mit verdachtem muet vnd mit rat vnser freunt der nesten vnd der
peiten machten haben verchauft vnd gegeben ledichleich vnsers reien aigen dreizehen
schilling vnd drei pfenning geltz di gelegen sind datz daissenbaun auf dritthalben lehen
vnd swaz do zue gehort gevelt vnd gedorf besuht vnd vnbesuht versueht vnd vnversueht
vmb vier vnd dreizzich pfunt pfenning wienner munizz der wir gar vnd gantzleich ge
wert sein vnd veriehen dem erbern herren apt otten vnd seinem gotzhaus datz chot
waig zu allem dem rechten vnd wie di selben gult haben her pracht von alten zeiten
wir vnd vnser vodern inrechter aigens gewer vnd haben auch wir vnd vnser erben dem
vorgenanten erbern herren apt otten vnd dem egenanten gotzhaus zechotwaig di selben
gult schirm vnd vrien fur all ansprach als man rehtes aigen schirm schol nach reht vnd
gewonhait des landes ze osterreih vnd schullen daz haben auf alle diu vnd wir haben
in dem land ze osterreih vnd dar vber ze vrchund vnd zu ainem waren zeug gib ich
vorgenanter chunrat von valba dem oft genanten erbern herren apt otten vnd
dem gotzhaus zechotwaig disen prief versigelt mit meinem Infigel vnd mit meiner
hausvrauen prueder hern otten vnd hern Gorgen von wezzenberch Infigel zu ainer be
staetigung diser sach des sind auch gezeug her chunrat von Gvntstain her chirstan der
drussez von lengenpach her dytreich vnd her ott von wezzenberch her hainreich der lochler
wisent von prunn vnd ander erber leut genueg den di sach wol chunt ist der prief
ist gegeben vnd ditz ist geschehen do von christes pürd warn ergangen dreuzehen
hundert jar dar nach in dem fumf vnd zwaintzigisten iar des nesten suntag nach
dem aschtag datz chotwaig