Wir Alb(ert) von gotes gnade Pischof ze Pazzow tůn chunt offenleichen mit disem Prief
daz wir gelten sullen unserm lieben getriwen Gottschalk dem Vlakkenecker seiner
Hausfrawn Perchten und seinen erben Sechtzich phunt wienner phenning
und umb dieselben phenning haben wir in ze rechtem phant gesatzt den
newnteil zehenden in Hoffer pharr swa er daselbe gelegen ist der
uns und unser Gotshaus ze recht an gehort also beschaidenlich daz
si den zehenden sullen inen haben und nůtzen mugen als lang
daz wir oder unser nachchomen in von in losen umb di vorge
schriben phenning und dar uber ze ainem urchund geben wir in
disen Prief versigelten mit unserm Insigel Der ist geben ze Paz
zow an sand Virgily tag nach Christes geburd Dreytzehen
hundert iar in dem Dreizzigistem iar