Ich Graf Purchart von Hardekch vergih offenleich an dem prief vnd tuen chund allen die in lesent
oder lesen horent daz der Erber Herr Apt Wulfinch von dem Chotweig mier empholhen
hat der vogtey daz hozreut vnd waz dar zu gehort gesucht vnd vngesucht vnd han ich im
vnd seim gotshaus mit meim trewn gelubt dar an ze dient Ich gih auch dhain rehten niht
zehaben an der selben vogtey noch dhain mein erben Nvr der weil vnd ich dem vorgenanten Hern
vnd dem gotshaus dar an gedient vnd geuallen mach Ez hat auch der vorgenant Herr od(er) wer
Apt dacz dem Chotweig ist dez reht vnd gewalt ob ich im niht fueg vnd geuall mich zechetn
an der vogtey vnd enpfelichen wem er wil Vnd ze einr vrchund diser sach gib ich dem vorgenan
ten Hern Apt Wulfingen vnd seim gotshaus dacz Chotweig disen prief versigelt mit meinem
insigel Der prief ist gegeben da von Christes gepurd ergangen warn Drewzchen hundert
Iar nach in dem Nevn vnd dreyssigistem Iar An sand Michels tag des Erczengels ;