Ich Wernhard der Druchsaez von Chrizenstorf. vnd mein Hawsfraw. Angnes. vnd alle vnser
Erben. veriehen vnd tuen chunt allenden di disen prief sehent. oder horent lesen. Daz Wier
Vnsers Heren. Aygen Aht phenning geltz di gelegen sint zwischen der Langen prukke
vnd dem grozzen chrawen. recht vnd redlaich verchauft haben. dem erbern Heren Abpt
Chunrat tze Chotweich vnd seiner Sämpnung. vmb funfthalb phunt phenning Wien=
ner gemainer münzz. der wier gar vnd gantz gewert sein. Allen ieren frumen da mit
tze schaffen. mit versetzen oder mit verchauffen. geben nem sen wellen. Wier setzen vns
auch dez selben Aygens Gewern vnd gewer fur alle ansprach als Aygens recht. vnd auch
Landes recht ist tze Osterreich. Geng in dar an. icht ab. mit einem Rechten. daz schull wir
in ab legen. Vnd schullen sen daz haben auf alle den vnd. wier haben in dem Land
tze Osterreich. Vnd. dar vber tze einer bestetigung. Gib ich vigenanter Wernhart. der
Druchsaez disen offen prief versigelten mit meinem Insigel. Vnd dar tzue han ich.
gepeten den Edelen ersamem. mein genedigen Herren Hern Leutolden von Chuning
daz der sein Insigel dar an hat gelegt tze einem getzeug diser sach. Vnd Leuen mei
nen Bruder der auch sein Insigel dar an gelegt hat tze einem getzeug. Der prief ist gege=
wen do man zalt von Christi gepuerd Dreutzehen Hundert iar dar nach in dem vier vnde =
viertzigsten Iar an Sand Gergen Tag.