Vniuersis et Singulis presentes litteras siue hoc presens publicum transsumpti instrumentum inspecturis visuris lecturis pariter et audituris Leonhardus di
uina gracia Ep(iscop)us Ecclesie Lauentin(en) salutem et Sinceram in domino caritatem. Vniuersitati v(est)re notum facimus. Q(uo)d Reuerendus pater dominus Wolffgangus Abbas Monasterij Beate Marie
virginis in Runa ordinis Cystercien(sis) in Saltzburgen(si) dioc(esi) Quoddam paten(s) Priuilegium infrascriptum clari et serenissimi Principis et domini domini Otachari bone memorie Reg(is) Bohemie, Ducis
Austrie et Stirie et Marchioni Morauie, emanatum, suoq(ue) Regali duplici Sigillo appendenti communitum et sigillatum Nobis coram Notario publico et testibus infrascriptis exhibuit atq(ue) pre
sentauit. Nosq(ue) debita cum instancia petiuit atq(ue) rogauit, quat(enus) id(em) Priuilegium diligenter conspicere et examinare, vidimareq(ue) transsumi et exemplari ac in publicam et autenticam formam redigi
mandare dignaremur, Cuiusquid(em) Priuilegij tenor de verbo ad verbum sequitur et est talis. Otacharus dei gratia dominus Regis Bohemie, Dux Austrie et Stirie et Marchio Morauie,
Omnibus presentes Litteras inspecturis. Relatum in omnium Saluatore. Regalis excellencia tunc precipue sui nominis titulos ampliat et extollit cum diuine pietatis intuitu per quam
preest populis terre personas Religiosas, et Loca Venerabilia pia mentis affectione protegit ac tuetur, et eorum iustas fauorabiliter peticiones admittit. Proinde ad vniuersorum
noticiam tenore presencium volumus peruenire, Q(uo)d ad Supplicationem Venerabilium fratrum Abbatis et Conuentus de Runa, ordinis Cystercien(sis) Saltzburgen(sis) dyoc(esis) in Sturia fidelium n(ost)ror(um)
Abbatem ipsum, Conuentum, Monasterium, et omnia bona sua que in presenti iuste tenent et possident, et que inantea iusto titulo poterunt obtinere, sub nostra et Regali protectione
recepimus speciali, mandantes, Vt quicunq(ue) Iura, quascunq(ue) exempciones et libertates, ab Imperatoribus Romanor(um) vel ab alijs Imperij Principibus, rationabiliter eidem Monasterio
sunt collata, vel iuste de cetero conferentur, Rata sibi omni tempore integraq(ue) seruentur, Et sicut Ordo Cystercien(sis) ab exordio sue Institucionis, nullis vnq(ua)m fuit obnoxius aduocatis,
Ita predictum Monasterium cum omnibus possessionibus suis ab omni aduocatorum ratione atq(ue) exactione sit liberum, tam communi ordinis libertate, q(ua)m presenti nostra concessione
exemptum, Dari insuper et immunitati ipsius de clementia Regia prouidentes, inhibemus omnino, Ne quisquam dicti Monasterij aut vllius predij sui aduocatiam in feudo a quoquam
habeat, vel habere vllo nomine aut Iure valeat, nec donationis alicuius predij ratione seu commisse aut extorte defensionis occasione, vel quasi a progenitoribus hereditario successione,
nomen et Ius aduocati in eos aut bona eorum sibi quisquam vendicet vel assumat, sed quodcunq(ue) predium eidem Monasterio est hactenus vel amodo fuerit in elemosinam datum, aut
iustis modis alijs acquisitum, Regali tuitoni eo ip(s)o subiacent, quia Monasterij esse cepit. Verumq(ue) ne plerumq(ue) nobis absentibus aliquid Iuri vel vtilitatibus dicti Monasterij valeat
clam deperire, defensorem eis ipsum duntaxat quem Abbas et Conuentus predicti ad hoc elegerint deputamus et habere concedimus, cui in eorum defensione in Contractibus in
Causis Ciuilibus, et in alijs Ciuilium negociorum transacionibus n(ost)re vicis executorem, non in feudo habendam, non perpetuo obtinendam, neq(ue) heredibus relinquendam, sed salua
dicti Monasterij libertate committimus, ita vt liberum eis sit se debrat recedere vni, et alterius defension(em) se et sua committere, si sub nomine defensionis se ip(s)is exhibuerit offensorem,
si immunitatis eorum Priuilegium vllo vexationum aut exactionum genere infringere et euacuare voluerit, Volumus enim nostre potestatis executores n(ost)re seruitutis instatis
habere, precipientes, vt qui nostra iussione vel ex eorum peticione, seu quacunq(ue) occasione ip(s)os et eorum Iura defendunt liberaliter sincere, et pro sola dei retribucione defendant,
Ita vt neq(ue) banna neq(ue) peticiones quas steuras vocant, neq(ue) precariationes, neq(ue) operarios, nec vlla omnino seruitia eis mutis, vel a colonis eorum sub obtentu defensionis exigant
vel extorqueant, Colloquia in locis suis, placita cum colonis ipsorum nulla prorsus habeant, de placitis eorum que cum colonis suis habere voluerint, nisi ab eis rogati se nullatenus
intromittant, et indulta sibi exemptionum priuilegia nulla vi vel fraude conuellant, De habundancia quoq(ue) gratie n(ost)re eis concedimus, vt propria victualia domorum suarum videlicet
annonam, Caseos, Salges, pisces, oleum, vinum, et pecudes ad vsus suos tantum tam in Aquis q(ua)m in terris, sine theloneis, vectigalibus, et alijs exactionibus libere ducere permittan
tur, prout ex concessione quondam ducum Austrie et Stirie, qui prefatum Monasterium fundauerunt libertatem ipsam soliti sunt habere, Statuimus igitur et Regali sanccimus
edicto, vt nulla persona ecclesiastica vel secularis, alta vel humilis, predictum Abbatem, Conuentum, et successores eorum, Monasterium, et bona sua contra presentis Priuilegij
n(ost)ri seriem, super aliquibus ausu temerario molestare presumat, Quod qui presumpserit preter indignationem n(ost)ri culminis quam incurret, centum libras auri puri componat,
medietate fisco n(ost)ro, reliqua dicto Monasterio persoluenda, Ad huius itaq(ue) n(ost)re protectionis et concessionis memoriam et robur in posterum perpetuo valiturum, Presens Priui
legium duplici Sigillo n(ost)ri munimine fecimus roborari, Huius rei sunt testes, Vlricus Comes trysingen, Notarius Stirie, Heinricus de Liechtenstain, Chvnradus et
Heinricus de Goldekke, Volfmgus de Stubenberch, Rudolffus et Leutoldus de Stadekk, Vlricus de Liechtenstain, Hertnidus de Ort, Sifridus de Petouia, Herrandus de
Wildonia, Hertnidus de Rumnestaine, Gotfridus de Marpurch, et alij q(ua)m plures, Actum in Wienna Anno domini Millesimo ducentesimo Sexagesimo, Datum per
manum Magistri Arnoldi Prothonotarij n(ost)ri, septimo Idus Marcij. Nos igitur Leonhardus Ep(iscop)us Lauentin(en) prefatus, ad instanciam supradicti domini Wolffgangi
Abbatis Monasterij in Runa preinsertum Priuilegium ad manus n(ost)ras recepimus, et vna cum Notario et testibus infrascriptis ad id specialiter assumptis vidimus, legimus,
palpauimus et examinauimus diligenter, Et q(ui)a per huius diligentem examinacionem, illud tam in membranis q(ua)m duplici Sigillo et scriptura, ac alias sanum et integrum, non viciatum
non cancellatum, nec in aliqua sui parte suspectum, sed omni prorsus vicio et suspicione carens inuenimus, Idcirco prefactum Priuilegium ad peticionem et instanciam prelibatam per
Notarium publicum infrascriptum transsumi et exemplari atq(ue) in presentem publicam et autenticam formam seu transsumpti Instrumentum, cum dicto Priuilegio de verbo ad ver
bum concordari prout ex diligenti et Collatione ex auscultatione per Nos vnacum Notario et testibus subscriptis desuper habita ac facta resultabat, redigi mandauimus diligenter atq(ue)
transsumi, nil addito vel diminuto q(uo)d sensum mutet seu variet quolibet intellectum, In quorum o(mn)ium et singulorum fidem et testimonium premissorum Nos Leonhardus
Ep(iscop)us Lauentin(en) prefatus, p(rese)ntes l(itte)ras n(ost)ras siue hoc presens publicum transsumpti instrumentum exinde fieri et per Notarium n(ost)r(u)m infrascriptum subscribi et publicari man
dauimus, Sigilliq(ue) n(ost)ri iussimus et fecimus appensione communiri, Datum et Actum apud Sanctum Andream vallis Lauin in Curia n(ost)ra solite n(ost)re residen(tie), Sub anno domini Mille
simo Quingentesimo Vndecimo, Indictione decimaquarta, die vero Sabbati quinta Mensis Aprilis, Pontificatus Sanctissimi in xp(ist)o patris et domini n(ost)ri domini Iulij diuina prouiden(tia) pape
secundi anno eius Octauo, presentibus ibidem Venerabilibus viris dominis Iacopo Petro froglam(m)er, Iohanne Pwrmgartner, Petro Rainl Notarijs publicis et Andrea ditzin plebano in
Adciach p(res)b(ite)ris et Clericis Patauien(sis) Aquilegen(sis) et Saltzburgen(sis) dioc(esium) testibus ad premissa specialiter habitis vocatis et requisitis.

Et ego Georgius Cestloger artium et decretorum doctor clericus Patauien(sis) dioc(esis) publicus sacra apostolica et imperiali auctoritatibus Notarius, Quia preinserti littere siue donacionis
et exemptionis et libertatis priuilegij exhibitioni, auscultationi et collationi, omnibusq(ue) alijs et singulis premissis dum sic vt premittitur agerentur et fierent
vna cum dicto Reuerendissimo d(omi)no Leonhardo Ep(iscop)o Lauentin(en) et testibus preno(m)i(n)atis presens interfui, eaq(ue) omnia et singula sic fieri vidi et audiui, Ideo hoc presens
publicum transsumpti instrumentum manu alterius me alijs occupato negocijs fideliter scriptum exinde confeci, subscripsi, publicaui et in hanc publicam formam redegi, Signoq(ue) et no(m)i(n)e meis solitis et consuetis
una cum appensione Sigilli memorati d(omi)ni Ep(iscop)i Lauentin(en) consignaui, In fidem et testimonium omnium et singulorum premissorum rogatus et requisitus.

Georgius Cestloger
artium et decretorum doctor
Notarius publicus