Wir Hainr(ich) von Gots gnaden Chunig ze Pehaim und ze Polan H(er)tzog ze Charnden Graf ze
Tirol und ze Gortz Jechen an disem brif daz wir Christeinen weilent Rudeg(er)s swest(er)
von Glozzach die gnad getan habn daz si gwalt hat mit den guten die hie unden geschribn
stant und die si an chomen sint un(d) auch an geantwurt an mein erbe von mein vat(er) und
von mein brud(er)n fur aigen gut iren frum da mit ze schaffen un(d) sint daz dev gut des
ersten daz gelegen ist uf flawling(er) p(er)g un(d) weilent walt(er) pawet dar nah daz gut daz
gelegen ist uf dem Ranchen und daz si selb(er) pawet dar nah ain gut ze purgtz un(d) daz Chvn
hart paw(et) uf dem selbn gut fumf phunt p(er)n(er) gelts un(d) swaz si mit den vorgenanten gu
ten tut si schaff si durch ir(er) sel willen od(er) v(er)chauff si od(er) si geb si swem si welle da
habn wir uns(er)n willn wort un(d) gunst zu gebn mit urchunde d(es) brifs mit uns(er)m
hangendem Insigel v(er)sigelten d(er) ist gebn ze Insp(ru)k nah Christ(es) geburt drivzehen
hund(er)t jar un(d) da nah in dem sehs un(d) zwaintzigistem jar dez phintztags nah sand michels tag