Wir Wentzeslaus von Behem von gots gnaden Herczog ze Lucemb(ur)g ze Loth(ringen) ze Brab(ant) vnd ze Lymbg(ur)g vicari(us) des heiligen Riefs
vnd desselbn dissir gebirges gemein vicarius. Entbieten de(m) Burgmeist(er) de(m) Rait vnd d(er) Stat gemeinlich ze sand Gallen vnser frunt/
schafft vnd alles gut. Vmb die gewonlichn zins vnd stur als ir ierlich schuldig sit de(m) heiligen Rief vff sand oyerims tag ze geben /
Vnd vnser h(er)r d(er) allerdurchluchtigst furst vnd h(er)r h(er)r Carl Romisch(er) keys(er) ze alln czeitn mer(er) des Riefs vnd künig ze Behem
vns(er) lib(er) gnedig(er) h(er)r vnd brud(er) vormals hat geschribn vnd ernstlich geboten daz ir vns an sin stat als sine(m) vnd des Riefes vi/
carien die stüer gebn vnd niemand anders alle die wil wir vicari(us) sin des heiligen Riefes Vnd daz er uch vnd alle ewer quit
vnd los sage wenn ir vns sulich stur vnd zins habt gegebn vnd daz bewisen mügt mit vnsern quitbrifen gelich wie als ob ir daz
mit siner maiestat Infigel bewist als daz aller wislichist ist begriffen in sinen brifen die er den Steten gemeinlich darvmb
vor czeitn hat gesant Darvmb sendn wir czu uch vnsern libn getriwn Gvnthern Cöller von Balembg(er) vnsern Heubtmann Vnd
begern ernstlich daz ir im die stur vnd zins als ir vff den nehsten sand oyerims tag schuldig sit vnüczogenlich gebt von vnser stat /
vnd von vnser wegen od(er) wem er daz mit sinen brifen beuilhet ob er hie selb von and(er) vnser(er) gescheffte wegen zu den czeitn
niht moht zu uch kumen Vnd wenn ir daz habt getan so sagen wir uch von des heiligen Riefs vnd vnser wegen darvmb vff
dicz iar quit ledig vnd los. vnt(er) vrkivnd dicz brifes mit vns(er)m Infigel vsigelt. Gebn ze Brvgel nach Cristes geburt Dritze/
hen hund(er)t iar vnd Achtzig iar an dem nehsten vritag nach michahelis.