Forschungskatalog

Urkunden erkunden

Beginnen Sie mit einer einfachen Suche. Verfeinern Sie erst, wenn die Forschungsfrage es erfordert.

PERG_Dusek_02_15010710

CZ-ANM > Dusek > PERG_Dusek_02_15010710

Quelle: MonasteriumKI-PaläografieKI-Interpretation
Seite 1 / 3
PERG_Dusek_02_15010710, Seite 1
Ansicht
Transkriptiongemini-3.1-pro-preview
Wir Maximilian von gottes gnaden Romischer kunig Zu allenn zeitten merer des Reichs Zu Hungern Dalmacien Croacien kunig Ertzhertzog Zu Osterreich hertzog Zu Burgunndi Zu Lotterigk Zu Brabant Zu Steyr Zu
kerndten Zu Crain Zu Lymburg Zu Lutzenburg unnd Zu Gheldern Lanndgraue in Elsass furst Zu Schwaben Pfallentzgraue Zu habspurg unnd henngaw Gefurstet graue Zu Burgunndi Zu flanndern Zu Tirol Zu Görtz Zu Arthoys Zu Hol
lanndt Zu Seelanndt Zu phirt Zu kyburg Zu Namur unnd Zu Zutphenn Marggraue des heiligen Romischen Reichs der Enns unnd Zu Burgaw herr Zu frieslanndt auf der Wyndischen marck Zu portenaw Zu Mecheln unnd Zu Salins
Bekennen offennlich mit disem brieue unnd thun kunndt allermenniglich Dieweill wir aus angeborenner guette unnd kunigklicher milltigkait allzeit genaigt sein allenn unnd yeglichen unnsern unnd des heiligen Reichs unndertthanen unnd getrewenn
Unnser kunigklich gnad unnd furderung mittzuthaillen So ist doch unns kunigklich gemuet mer begirlicher Zu denen Die wir in unnsern unnd des heiligen Reichs sachen unnd geschefften mit getrewem beraiten vleyss unnd dienst allzeit unuerdrossen
erfunnden Dann nun das geschlecht Magenschreter von adellichem guettem stamen unnd herkumen ist unnd sich allwegen gleich anndern vom adell gehallten hatt Das wir demnach gnetlich anngesehen unnd betracht haben solich Erberkait schicklichait
Adellich sytten gut wesen tugennt unnd vernunfft DarInn wir unnd unnd des Reichs lieben getrewen Hannsen magenschreter Zu Teusing erkennen Auch die annemen getrewen unnd nutzlichen dienste die Er unns unnd dem heiligen Reich
offt williglich gethonn unnd erzaigt hat unnd in kunfftig zeit woll thun mag unnd soll Unnd darumb mit wolbedachtem muet guettem Rat unnd Rechter wissen Dem gemellten Hannsen Magenschreter dis nachgeschriben wappen unnd Clainat
Mit namen ain schwartzer schillt DarInn zwen gelb strit vorn Eysennfarb uberainander gesch
renckt unnd auf dem schillt ain helm geziert mit ainer schwartzen unnd gelben helmdeckhen dar
auf ain mannes Moren prustbild in schwartz gelaidt oben unnd die Ermel mit ainem gelben uber
stulp vornnen mit zwayen unnd yeden Ermel mit dreyen gelben knöpffen Zusammen geknöpffelt habendt
auf seinem haubt ain schwartz haidnisch huettel mit ainem gelben uberstulp unnd oben in ainer gelben
Cron ain schwartzen federpuschen Haben wir In yeder hanndt ain gelb strit vornnen Eysennfarb uber
ain annder geschrenckt so sein Elter unnd Er bishere gefueret unnd gebraucht haben verennndert Ne
mlich den selben schillt unnd zwen strit mit unnd neben ainem gelben schillt DarInn ain mannes
Moren prustpild in schwartz beclaidt oben unnd die Ermel mit ainem gelben uberstulp vornnen mit
zwayen unnd yeden Ermel mit dreyen knöpffen Zusammen geknöpffelt steenndt die hanndt auf seine
hupfft unnd habendt auf seinem haubt ain schwartz haidnisch huettel mit ainem gelben uberstulp geziert
steet in ainem schillt Zufueren unnd Zugebrauchen gnedigclich gegunnt unnd erlaudt unnd darzu den ge
meltn helm mit ainem Thurnier helm geziert gebessert unnd also Confirmirt unnd bestett Also
dann dieselben Wappen unnd Clainat gequattiert mit solicher unnd verenderung zierung unnd
besserung in der mit diss gegenwertigen unnsers kunigklichen briefs gemallet unnd mit farbenn
aigentlicher aussgestrichen sind Gönnen Erlauben verunndern zierenn pessern Con
firmirn unnd bestetten die obgenannten Wappen unnd Clainat unnd geben Ime die also vonn
newem von Romischer kunigklicher macht vollkumenhait von Nemblich in krafft diss briefs
Unnd maynen setzen unnd wellen Das nun furbasshin der genanndt Hanns Magenschreter
unnd sein Ehelich leibs erben unnd derselben Erbenns Erben fur unnd fur in ewig zeit die
Ietzberuerten Wappen unnd Clainat gequartieret unnd diser unnser pesserung haben unnd sich der
in allen Erlichen Adlichen unnd Ritterlichen sachen unnd geschefften Zu schimpff unnd Zu
Ernnst In streitten kempfen gestechen thurniern panieren Gezelten aufschlagen In siglen
Innschafften Clainaten begrebnussen unnd sunnst an allen Ennden nach Irem
willen notdurfften unnd wollgeuallen gebrauchen unnd geniessen Als annder unns unnd
des Reichs Rechtgeborenn Adel Ritterschafft unnd Turnirgenossen Iren unnd Iren Vor
faren geborenn sich Irer wappen unnd Clainat gebrauchen unnd geniessen von recht oder
gewonhait von aller menngclich unuerhindert Unnd gebietten darauff allenn
Unnd yeglichen unnsern unnd des heiligen Reichs Churfursten fursten Gaistlichen unnd welltlichenn Prelatten Grauen freyenn herren Rittern knechten Haubtleutten Vitzthumben vogten pflegern verwesern Ambtleutten schultheissen Burgrmaister
Richtern Retten burgern des Wappen Erhohden hoffleuten unnd burgern unnd gemainden unnd sunnst allen anndern unns unnd des Reichs unndertthanen unnd getrewen In was wirden stats oder wesenns die sein Emsstlich mit disem brieue
Unnd wollen Das sy den genannnten Hannsen Magenschreter unnd sein Ehelich leibserben unnd derselben Erbennserben fur unnd fur ewigclich an den Ietz beruerten gequattierten wappen unnd Clainaten unnd diser unns kunigklichen verenderung
zierunng besserung Confirmirn unnd bestettunng nicht Irren noch hindern Sunnder sy die gennedigclich gebrauchen geniessen unnd genutzlich dabey beleiben lassen unnd hierwider nicht thun noch yemannds anndern zuthun gestatten In
khain weyss als lieb ainem yeglichen sey unnser unnd des Reichs swere ungnad unnd straff unnd darzu ain peen Nemblich Viertzigmarck Lottigs golldes zuuermeiden Die ain yeder so offt Er freuenlich hierwider tett unns halb in unns unnd des
Reichs Camer unnd den anndern halben thaill dem genannnten Hannsen Magenschreter unnd seinen Ehelichen leibserben unablöslich zubezallen verfallen sein soll Doch anndern die uelleicht den vorberuerten Wappen unnd Clainaten gleich
furetten an Iren Wappen unnd Rechten unnschedlich Mit urkunndt diss briefs besigellt mit unnserm kunigklichen anhanngennden Insigel Geben In unnser stat Lienz am sibennden tag des Monnats Iulij Nach Cristi geburt funff

Wissenschaftliche Transkriptionszeichen

(text)
Aufgelöste Abkürzung; die Buchstaben in Klammern wurden ergänzt.
~text~
Geringe Unsicherheit.
|text|
Erhebliche Unsicherheit.
¦text¦
Sehr unsichere Lesung.
<text>
Kontextuelle Rekonstruktion, die nicht sicher sichtbar ist.
# / #3w
Sichtbare, aber unlesbare Schrift.
^3w^ / ^2l^
Physisch fehlende oder beschädigte Passage.