Forschungskatalog

Urkunden erkunden

Beginnen Sie mit einer einfachen Suche. Verfeinern Sie erst, wenn die Forschungsfrage es erfordert.

PERG_Sary_18760328

CZ-ANM > Sary > PERG_Sary_18760328

Quelle: MonasteriumKI-PaläografieKI-Interpretation
Seite 1 / 2
PERG_Sary_18760328, Seite 1
Ansicht
Transkriptiongemini-3.1-pro-preview
PIUS PP. IX.
Dilecte Fili, salutem et Apostolicam Benedictionem. Laudis et honoris praemia iis libenti animo decer
nere solemus viris, quorum praeclara merita Nobis commendantur. Id tecum, Dilecte Fili, agere cupientes
splendidissimo te honestandum censuimus titulo, qui tuis laudibus praemio sit, Nostramque in te volun
tatem, animumque testetur. Praecipuo te igitur honore decorare volentes, et a quibusvis excommunicationis
et interdicti, aliisque ecclesiasticis sententiis, censuris, et poenis quovis modo, vel quavis de causa latis, si quas
forte incurreris, hujus tantum rei gratia absolventes, et absolutum fore censentes, Apostolica Auctoritate
Nostra, harum Litterarum vi, te Equitem Commendatorem Ordinis S. Silvestri auratae militiae nuncu
pati eligimus et renuntiamus, teque in ornatissimum hujusmodi Equitum coetum et numerum referimus.
Proinde tibi, ut ejus Ordinis insignia, nempe torquem aureum et ensem, atque aurata calcaria gestare possis
utque utaris fruaris omnibus et singulis privilegiis, praerogativis, indultis, quibus ceteri ejusdem militiae E
quites utuntur fruuntur, vel uti ac frui possunt et poterunt, citra tamen facultates sublatas a Concilio
Tridentino, hujus Sedis auctoritate confirmato, concedimus atque indulgemus. Item tibi, Dilecte Fili, concedimus,
ut majoris moduli auream Crucem, octogonam, alba superficie imaginem S. Silvestri Papae in medio referen
tem, quae taenia serica rubro nigroque distincta colore extremis oris rubris collo inserta dependeat, gestare
libere possis et licite. Ne quod vero discrimen in hoc gestando insigni contingat, appositum schema tibi tradi manda
vimus. Datum Romae apud S. Petrum sub Annulo Piscatoris die XXVIII. Martii MDCCCLXXVI.
Pontificatus Nostri Anno Trigesimo.

Wissenschaftliche Transkriptionszeichen

(text)
Aufgelöste Abkürzung; die Buchstaben in Klammern wurden ergänzt.
~text~
Geringe Unsicherheit.
|text|
Erhebliche Unsicherheit.
¦text¦
Sehr unsichere Lesung.
<text>
Kontextuelle Rekonstruktion, die nicht sicher sichtbar ist.
# / #3w
Sichtbare, aber unlesbare Schrift.
^3w^ / ^2l^
Physisch fehlende oder beschädigte Passage.