Clemens ep(iscopu)s seruus seruor(um) dei Dilectis filijs Capitulo eccl(esi)e Pragen(sis) Sal(u)t(em) et ap(ostoli)cam ben(edictionem). In supreme dignitatis specula ex diui
na dispositione licet inmeriti constituti de uniuersis orbis eccl(esi)is quar(um) cura nobis iminet generalis iuxta pastoralis officij debitum quan
tum nobis ex alto permittitur solicite cogitamus ut per n(ost)re prouidentie studium pastores eis preficiantur ydonei ac rectores pro
uidi deputentur sub quor(um) regimine huiusmodi eccl(esi)e spiritualibus proficiant incrementis et temporalibus comodis gratulentur. Nuper si
quidem suadentibus manifestis et rationabilibus causis eccl(i)am u(est)ram Ciuitatem et dioc(esim) Pragen(sem) que tunc de Maguntin(ensi) prouincia exi
stebant et subiaciebant iure Metropolitico Archiep(iscop)o Maguntin(ensi) qui est pro tempore ac eccl(esi)e Maguntin(ensi) Venerabili fratre n(ost)ro Arnesto Ep(iscop)o
olim Pragen(si) in Archiep(iscopu)m Pragen(sem) Electo regimini eiusdem u(est)re eccl(esi)e presidente de fratrum n(ost)ror(um) consilio et ap(ostoli)ce potestatis ple
nitudine auctoritate ap(ostoli)ca ab omni iurisdictione potestate ac subiectione dicti Archiep(iscop)i et dilector(um) filior(um) Capituli et eccl(esi)e Maguntin(ensis)
eximentes penitus et totaliter liberantes ac eam soli Roman(e) eccl(esi)e decetero inmediate subiacere perpetuo decernentes ipsam eccl(i)am u(est)ram
in Metropolitan(am) ereximus ipsamq(ue) honoribus et insignijs sedis Metropolitice decorauimus auctoritate predicta nichilominus statuentes q(uo)d ip(s)a eccl(i)a
iura pro Metropolitan(o) imperpetuum habeatur et eius presul Archiep(iscopu)s etiam censeatur prout in n(ost)ris litteris inde confectis plenius et
seriosius continetur. Attendentes igitur q(uo)d idem Arnestus Electus regimen eiusdem eccl(esi)e u(est)re dum Ep(iscopu)s existeret gessit hactenus fideli
ter et prudenter sumpta ex preteritis fiducia de futuris uerisimiliter credimus q(uo)d regimen ip(su)m eo imposter(um) geret attentius quo se
maiori honore et dignitate prospiciet decoratum eundem Arnestum Electum ip(s)i eccl(esi)e u(est)re de dictor(um) fratrum consilio auctoritate pre
dicta in Archiep(iscopu)m prefecimus et pastorem curam et administrationem ipsius sibi in spiritualibus et temporalibus plenarie committendo In
illo qui dat gratias et largitur premia confidentes q(uo)d eadem eccl(i)a u(est)ra sub suo felici regimine gratia sibi suffragante diuina utilius
dirigetur et uotiua continue suscipiet incrementa. Quocirca discretioni u(est)re per ap(ostoli)ca scripta mandamus quatinus eidem Electo tanquam
patri et pastori animar(um) u(est)rar(um) humiliter intendentes ac exhibentes ei obedientiam et reuerentiam debitam et deuotam eius salubria monita
et mandata suscipiatis deuote et efficaciter adimplere curetis Ita q(uo)d mutuo inter uos et ip(su)m spirituale possit abundare gaudium et
prosperitatis optate consurgere incrementum. Alioquin sententiam quam idem Electus rite tulerit in rebelles ratam habebimus et faciemus au
ctore domino usq(ue) ad satisfactionem condignam inuiolabiliter obseruari. Dat(um) Auinion(e) ij k(a)l(endas) Maij Pontificatus n(ost)ri Anno Secundo.