In nomine domini amen. Anno Natiuitatis eiusdem millesimo Trecentesimo quadragesimo
Sexto Indicione xiiij. die xij. mensis Junij pontificatus sanctissimi in christo patris et domini nostri
domini Clementis diuina prouidencia pape vj. Anno v. hora quasi nona In domo habitacionis discreti
viri domini Galli plebani in noua Ciuitate pragensi In mei notarij publici infrascripti et testium pro hoc
subscriptorum presencia vir dominus Crux plebanus ecclesie de Broda pragensi dyocesi fecit constituit et
ordinauit discretum virum Petrum presbiterum ibidem de Broda absentem tanquam presentem suum
verum et legitimum procuratorem actorem factorem et nuncium specialem in omnibus suis causis quas habet
uel habiturus est coram quocumque Judice ordinario uel delegato ecclesiastico uel seculari ex quacumque causa
seu causis qualitercumque uel quandocumque motis seu mouendis contra nobiles et discretos viros Albertum dictum ex
chobicz Bohunconem et Przibiconem filios de Gnusscas Nicolaum dictum Czehali Gallum filium Boniarij
pesconem dictum dwoblassa pesconem filium samarij de Broda et petrum plebanum de rothna Jo
hannem plebanum de Baycz et symonem presbiterum ibidem de Broda eiusdem pragensi dyocesi Coram
honorabili viro domino Priore de ztariopere canonico vysegradensi pragensi dyocesi apostolice sedis
in hac parte a sede apostolica subdelegato dans eidem procuratori suo plenam et liberam potestatem
agendi defendendi excipiendi libellum dandi et recipiendi litem contestandi iuramentum calumpnie et de
ueritate dicenda in animam dicti constituentis et cuiuslibet alterius generis prestandi in animam prestandi
ponendi articulandi posicionibus respondendi testes instrumenta et quascumque alias probaciones
inducendi crimina defectus et instrumenta reprobandi alias probaciones pro parte aduersa exipiendi
et reprobandi eciam si casus subiciat restitucionem in integrum et absolucionem simpliciter et ad cautelam
a quibuscumque sentencijs petendi et obtinendi Concludendi sentencias interlocutorias et diffinitiuas audiendi
alias si necesse fuerit et agrauiatus fuerit quibuscumque grauaminibus appellandi appellaciones prosequendi alium
seu alios procuratorem seu procuratores loco sui substituendi et reuocandi eosdem Et omnia alia et singula
faciendi que in premissis et circa ea seu premissorum aliquod necessaria fuerint seu eciam oportuna promittens
se ratum gratum et firmum perpetuo habiturum quicquid per dictum procuratorem aliumue eius substitutum seu
substituendos per eum actum fuerit actum procuratum uel factum in premissis et singulis premissorum
Et volens dictus constituens releuare procuratorem suum predictum ab omni onere satisdandi pro
missit in nomine sancte capitanei pro eodem quociens necesse uidebitur sisti et iudicatum solui sub omnium
suorum clausula sub obligacione omnium bonorum suorum ypotheca Acta sunt hec anno Indicione
die mense loco pontificatu et hora quibus supra presentibus discretis viris domino Gallo plebano predicto
Petro et Nicolao familiaribus ipsius domino Cruce plebano de Broda testibus ad premissa vocatis
et rogatis

Supremus
dominus
Et ego petrus quondam eustachij de praga publicus auctoritate
Imperiali notarius predicti procuratoris constitucioni omnibusque et singulis
supradictis vna cum prescriptis testibus presens interfui eaque sic fieri
uiui audiui et in hanc formam publicam redegi signoque
consueto meo signaui rogatus