Karolus dei gracia Romanorum Rex semper Augustus et Boemie Rex. Ad perpetuam Rei memoriam. Et si maiestatem Regie altitudinis in fauore suis omnib(us)
quos digna merita celestis fecerunt aule participes ex debito teneamur singularem tamen sibi credimus honorem impende(re) et amplius latine obsequiosa voluntate
illam glorissimam virginem mariam ipsius mediatricem dei et homi(num) et propriam n(ost)re credite singularit(er) aduocatam. Laude congrua et condigno hono
ribus reueremur. Hanc ad honorem omnipotentis dei et prefate matris ipsius volentes condicioni et statui honorabilium precentoris et mansionarior(um) eccl(esi)e sancte marie in
Letha pragen(sis) deuotor(um) nostror(um) dilectorum presertim cum in fundacione existant de Regie largitatis clemencia fieri meliorem decernimus et Regio ac p(er)petuo statuimus
edicto q(uod) omnes simpliciter homines Rustici Rustici Agricoli seu cuiuscumq(ue) alterius condicionis existant ad iurisdiccionem ipsorum spectantes aut qui ipis successorib(us) ip(s)or(um) Lurgacione
ipsius eccl(esi)e vel alijs legitimis titulis fuerint attributi coram nullo penitus hominum puta Iudicio Iusticiario poprabczone beneficiario vrzednycone aut alio quouis Iudice
officiali seu vicofficiali Regni n(ost)ri Boem(ie) sup(er) quibuscumq(ue) causis Realib(us) seu p(er)sonalib(us) cuiuscumq(ue) condicionis existant p(ro)utuis futuris temp(or)ib(us) conueniri citari Iudicari aut senten
ciari debeant nec in Ciuitatibus oppidis villis seu locis quibusl(ibet) Regni n(ost)ri Boem(ie) p(re)dicti inpediri artari seu quomodol(ibet) arrestari nisi dumtaxat coram precentore qui p(ro) temp(or)e
fuerit aut eius Iudice delegato quem deliberacione preuia dux(er)it statuendum. Quodq(ue) nulli penitus p(ri)ncipum Baronum Nobilium vasallorum Wladiconum burggrauior(um) Iusticia
rior(um) Iudicum officiatorum aut quorcumq(ue) clientorum p(re)dicti Regni Boem(ie) liceat in temp(or)e expedicionis g(e)n(er)alis seu p(ar)tialis aut ex alijs quibusl(ibet) causis ex suggestione Iuris aut
consuetudinis ordinarie seu inordinarie vel alijs quibusl(ibet) ingenijs exactione seu colore quesitis Bona predia possessiones Agros Rusticos homines et subditos precentoris et mansio
nariorum huiusmo(d)i demoliri inuad(er)e grauare vel turbari quoquomodo aut diurnas seu nocturnas inibi face(re) staciones. Nam animo deliberato non p(er) errorem aut inp(ro)uide
sed sano nostror(um) p(ro)cerum accedente consilio n(ost)ro h(ere)dum et successor(um) nostror(um) Regum Boemie nomine atq(ue) vice damus et confirmam(us) precentori et mansionarijs antedictis plenam
licenciam et fauorem plenissimum p(ro)utuis temp(or)ib(us) affuturis vniuersos et singulos violatores libratum huiusmo(d)i Inuasores offensores et Iniuriatores quosl(ibet) qui dei timore p(ro)posito
aduersus p(re)sens n(ost)re liberacionis et exempcionis indultum bona predia possessiones agros Rusticos homines et subditos ipsorum p(ro)utuis et posteras qualib(et) occasione quesita graua
rent ad satisfactionem condignam ecclesiastica et temporalis Iuris presidio p(ro)ut eis oportunius et conueniencius visum fuerit omniq(ue) sup(er) Rapina violencia commissa notorie libere
cohercend(i) exindemtes nichilomin(us) ad h(uius)mo(d)i cautel(e) presidium pragensi et alijs burggrauijs Iusticiarijs poprabczonib(us) et vniuersis ac singulis officialib(us) et vicoff
icialib(us) Regni Boem(ie) qui p(ro) temp(or)e fuerint fidelib(us) n(ost)ris dilectis precentorem et mansionarios prefatos Bona predia possessiones Agros Rusticos homines et
subditos eorum penes exempcionem et libertatem p(re)fatas necnon ab omnib(us) Inuasionib(us) Iniurijs oppressionib(us) arrestacionib(us) et inpedimentis huiusmo(d)i aduersus
quoslibet qui libertati et exempcioni p(re)dictis ymo verius n(ost)ris mandatis Regalib(us) contraire et reniti contenderint auctoritate Regia manuteneant et conseruent.
Siquis vero contrarium attemptare presumpserit indignacionem n(ost)re maiestatis se nou(er)it grauiter incursurum. In cuius rei testimonium p(re)sens scriptum sigilli n(ost)ri munimine
roborari fecimus. Datum Prage Anno domini Millesimo Trecentesimo Quinquagesimoprimo Indiccione quarta xx die Decembris Regnorum nostrorum
Anno Sexto.