Johannes dei gra(cia) S(an)c(t)e Pragen(sis) eccl(es)ie Archiep(iscop)us ap(osto)lice sedis legatus Ad p(er)petuam rei memoriam / Constare volum(us) vniu(er)sis q(uod) honorabilis vir d(omi)n(u)s B(e)n(e)ssius
Archidiacon(us) zacen(sis) Canonic(us) eccl(es)ie n(ost)re pragen(sis) cupiens a(n)ime sue saluti remedium saluare domum suam in hradcano / quam in p(rese)nti inhabitat / que sita
est inter domos d(omi)ni Vlrici dicti Tysta ciuilis ex vna / et henslini Tectonis p(ar)te ex alia cum ip(s)ius domus area juribus et p(er)tinencijs dedit et donac(i)one inter viuos donauit
honorabilib(us) viris d(omi)no decano et Cap(itu)lo eccl(es)ie n(ost)re pragen(sis) atq(ue) ip(s)i eccl(es)ie et ip(s)is de eadem domo coram nobis condonauit vsufructum et jus inhabitandi ip(s)am domum
sibi ad vite sue tempora dumtaxat reseruando addiciens q(uod) p(re)fati decanus et Cap(itu)l(u)m statim post mortem dicti d(omi)ni Benessij debent se intromittere de p(re)tacta domo /
ip(s)amq(ue) domum quocienscumq(ue) p(er) mortem Ciuilem aut naturalem vacau(er)it p(er)petuis inantea temporibus concedere inhabitandam vni Canonico p(re)bendato eccl(es)ie n(ost)re
pragen(sis) qui p(er)sonalit(er) et cum effectu p(ro)pter diuinitatem et residenciam atq(ue) augmentum diuini cultus in eadem d(omi)no s(er)uiat officiando diuina in eccl(es)ia n(ost)ra su(pradicta) p(re)t(er)ea
ip(s)e d(omi)n(u)s B(e)n(e)ssius voluit disposuit et ordinauit q(uod) tam ip(s)e q(uam) om(ne)s sui successores qui p(ro) temp(or)e dicte sue domus possessores fu(er)int vnius temp(or)is sing(u)lis dieb(us) i(n) choro teneat(ur) p(ro)lu(er)e vnum c(er)eum
pragen(sis) monete paup(er)ibus clericis qui in eccl(es)ia n(ost)ra eodem temp(or)e circa crepusculum ante puls(um) ad aue maria laudem et honorem eiusdem b(ea)te virginis anthon(am)
Salue regina cantabunt et ad h(uius)m(od)i cantum vnum cereum de vna libra cere ministrare Insuper idem d(omi)n(u)s B(e)n(e)ssius disposuit voluit et ordinauit q(uod) tam ip(s)e
q(uam) omnes sui successores p(re)fate domus sue p(ro) temp(or)e inhabitatores p(er)petuis temporibus teneant(ur) reformare vnum puteum seu fontem ante fores dicte domus sue p(ro) vsu
paup(er)u(m) hominu(m) destitutu(m) et p(er) eundem puteo ministrare vnas funes tam ferreas ferramenta et alia n(e)c(ess)aria ad haustum h(uius)m(od)i quociens et quando fu(er)it
necc(ess)itas absq(ue) omni difficultate et contradic(i)one Et q(uod) ad p(re)d(ic)ta onera omnia et eor(um) quodlib(et) explenda et explendum d(omi)n(u)s Benessius et omnes sui successores p(re)fate
domus sue p(ro) temp(or)e inhabitatores possint p(er) nos aut vicarios n(ost)ros in sp(irit)ualibus quociens opus et necc(ess)itas fu(er)it p(er) censuram eccl(es)iasticam simplicit(er) et de plano absq(ue)
figura et strepitu judicij compelli et artari Nobisq(ue) humilit(er) supplicauit q(ua)t(enus) h(uius)m(od)i donacionem suam et ordinac(i)onem atq(ue) disposicionem auctoritate ordinaria
approbare et ratificare dignaremur. Nos itaq(ue) considerantes pie deuoc(i)onis aff(e)c(t)um quem p(re)fatus d(omi)n(u)s benessius ad memoriam n(ost)ram gerit eccl(i)am p(ro) augmento
q(u)oq(ue) diuini cultus et vt ceteri Canonici eccl(es)ie n(ost)re ad residenciam apud eandem eccl(i)am faciendam inuitentur p(re)fatam donac(i)o(n)em ordinac(i)o(n)em atq(ue) disposicionem /
ip(s)ius d(omi)ni Benessij p(ro)ut sup(er)ius in suis punctis et clausulis plenius exp(ri)munt(ur) auctoritate ordinaria de consensu et consilio Cap(itu)li n(ost)ri ratificamus et approbamus
Et ut fideles xp(ist)i ad cantandam p(re)fatam anthon(am) Salue regina temp(or)e et hora sup(ra)dictis et ad orandum p(ro) pace et bono statu p(ri)ncipum atq(ue) regni Boemie tanto
feruencius inuitent(ur) quo sp(irit)ualiorib(us) diuinis remun(er)entur munerib(us) Nos de om(n)ipotentis dei et eiusdem gl(ori)ose virginis marie mi(sericordi)a sanctor(um)q(ue) ap(osto)lor(um)
petri et pauli atq(ue) b(ea)tor(um) venceslai Adalberti et Sigismundi p(at)ronor(um) n(ost)ror(um) confisi / omnib(us) et sing(u)lis v(er)e penitentib(us) confessis et contritis qui dictam anthon(am) /
loco et temp(or)e p(re)fatis cantau(er)int uel p(ro) pace et bono statu p(ri)ncipum et regni Boemie tunc deuote orau(er)int singulis diebus p(re)libatis Quadraginta dies indulgencie /
de iniunctis eis penitencijs mi(sericordi)t(er) in d(omi)no mi(sericordi)t(er) relaxamus In quor(um) euidenciam et robur p(er)petuo valiturum p(re)sentes fieri et n(ost)ri ac Cap(itu)li n(ost)ri sigillor(um)
munimine iussimus co(m)muniri Actum et datum apud p(re)fatam n(ost)ram pragen(sem) eccl(i)am Anno domini Millesimo Trecentesimo Septuagesimoq(ua)rto die xix mens(is) Maij .