Nos Wenceslaus dei gracia Romanorum Rex semper Augustus et Boemie Rex Notum facimus vniuersis presentibus et futuris Quod cum nos ad peticionem dilectorum nostrorum fidelium ciuium et tocius communitatis ciuitatis nostre Lutomericensis pro salute anime nostre et pro remedio animarum progenitorum nostrorum Regum Boemie et pro diuini cultus augmento in ecclesia parochiali in Lutomericz vnam capellaniam de nouo fundare et dotare decreuimus et eciam fundauimus et dotauimus in hunc modum Videlicet quod capellanus qui pro tempore fuerit in dicta capellania tenebitur et debebit in eadem ecclesia parochiali in Lutomericz singulis diebus vnam missam de beata virgine Maria legere et decantare et pro sustentacione sua et pro suis necessitatibus habebit et percipiet annuatim de theloneo nostro in Lutomericz decem sexagenas grossorum pragensium in festo sancti Galli et in festo sancti Georgii per medium percipiendas et leuandas a theloneario nostro qui pro tempore fuerit in Lutomericz sine omni impedimento et contradiccione cuiuscumque Volumus eciam et ordinamus quod dictus capellanus qui pro tempore fuerit in dicta capellania sit presbiter secularis et non religiosus et quod sit residens in dicta ciuitate Lutomericensi et non alibi et quod non habeat aliud beneficium ecclesiasticum curatum vel non curatum cum dicta capellania In cuius rei testimonium presentes litteras fieri et sigillo nostro maiestatis iussimus appensione communiri Datum in Praga anno domini Millesimo Trecentesimo Septuagesimo quinto Indiccione tercia decima viij Idus Nouembris Regnorum nostrorum anno Boemie tricesimo Romanorum vero vndecimo