Pileus miseratione Diuina tt. Sanctae Praxedis Presbyter Cardinalis, ad infra scripta Ap(osto)lica auctoritate suffulti,
Vniuersis Christifidelibus praesentes l(itte)ras inspecturis salutem in D(omi)no. Splendor paternae gloriae, qui suum mundum
illuminat ineffabili claritate, pia uota fidelium de clementissima Ipsius Maiestate sperantium, tunc praecipuè
pio fauore prosequitur, cùm deuota ipsorum humilitas sanctorum precibus et meritis adiuuatur, ac Christifideles
eò libentiùs ad deuotionem confluunt, quò ibiuberiùs dono caelestis gratiae conspexerint se refectos. Cùm igitur
Serenissima Principissa, Johanna Roman(orum) et Bohemiae Regina, ad Ecclesias Sancti Palmatij in Karlsteyn,
et Sancti Wenceslai ante Oppidum Arenam Pragen(sis) Dioecesis, specialem gerat deuotionem et affectionem, prout
accepimus, nobisq(ue) supplicari fecerit, ut pro deuotione ipsarum augmentanda spiritualia munera largiri digna
remur. Nos dictis supplicationibus fauorabiliter annuentes, de omnipotentis dei misericordia, et Beatorum Petri
et Pauli Ap(osto)lorum eius meritis et auctoritate praedicta confisi: omnibus uerè poenitentibus et confessis, qui aliq(uam)
dictarum Ecclesiarum in festiuitatibus infra scriptis, u(idelicet) Natiuitatis, Resurrectionis et Ascensionis D(omi)
ni n(ost)ri J(es)u X(rist)i, Pentecostes, Trinitatis et Corporis Christi, singulisq(ue) festiuitatibus Beatae Mariae Virginis
et S(anc)torum Ap(osto)lo(rum), ac Quatuor Doctorum: Ambrosij, Hieronymi, Augustini et Gregorij, ac Patronorum,
et Dedicationis ipsarum Ecclesiarum deuotè uisitauerint: Centum dies de iniunctis eis poenitentijs au
ctoritate praelibata misericorditer in D(omi)no relaxamus. Datum in Arena dict(ae) dioecesis Pragen(sis) ix Kal(endas)
Martij Pontificatus sanctissimi in X(rist)o P(at)ris et d(omi)ni n(ost)ri, D(omi)ni Vrbani diuina prouidentia p(a)p(a)e vj.
Anno Secundo.