In nomine domini Amen, Nos Dytlyffinus dei et Apostolice Sedis gracia Abbas, Wylhelmus prior, hermannus subprior
Johannes pitanciarius, totusq(ue) Conuentus Monasterij Brewnowen(sis) p(ro)pe pragam Ordinis sancti Benedicti pragen(sis)
dyoces(is) notum facimus tenore presencium vniuersis, Quod honorabilis dominus Adalbertus de Ericinio Magister
in Sacra Theologia et in Artibus, cursus formatus Scolasticus et Canonicus Sancte pragen(sis) Eccl(es)ie prebendat(us)
bona voluntate, non compulsus sed spontanee, pura racione, et cum bona deliberacione, pie donauit inter viuos
in remedium sue anime contulit et dedit, prefatis Abbati et Conuentui ip(s)isq(ue) fratribus dicti Monasterij Brewno=
wyen(sis) et successoribus ip(s)orum in(per)petuum omnes libros suos quos habuit et habet atq(ue) habiturus est in futur(um)
habendos et possidendos per eosdem, Et nos Dytlyffinus Abbas, Wylhelmus prior, hermannus subprior, Johannes
pitanciarius, totusq(ue) Conuentus predicti Monasterij et successores nostri, tante ac talis donacionis, beneficiiq(ue) memo=
res atq(ue) grati existentes, post decessum ipsius cum ipsum ex hac luce feliciter migrare contigerit sepulturam in n(ost)ro
Monasterio atq(ue) Eccl(es)ia maiore conferimus, promittimusq(ue) sub puritate nostre fidei et religionis omni Anno in die
anniuersario quo ipsum prenominatum dominum et Magistrum Adalbertum viam vniuerse carnis ingredi contigit
in vigilia obitus sui vigilias secundum consuetudinem Monasterij nostri et in crastino missam defunctorum decantare
Scolasticumq(ue) pragen(sis) Ecclesie cum vicario suo et magistro scole in prandio reficere, et prefato Scolastico octo
grossos, vicario ipsius quatuor grossos, et magistro scole sex grossos dare, Si autem prenominati Scolasticus cum
vicario atq(ue) magistro scole vel vnus aut duo seu quicunq(ue) ipsorum aut omnes in ipso anniuersario die in missa que
pro sepedicto domino et Magistro Adalberto animaq(ue) ipsius cantabitur non fuerint vel non fuerit, ipsorum vel ipsi(us)
absencium vel absentis porcio pauperibus omi fatiga et monicione ipsorum vel ipsius qui neglexerint seu neglexit
denus cessante p(er) nos distribui debet et distribuetur, Insuper et tredecim scolares pauperes similiter ipso die anniuersario
ad prandium vocare ipsosq(ue) de ferculo piscium et frusto carnium reficere, et vnicuique ipsorum vnum panem et halensem
in recessu dare promittimus, sub harum quib(us) Sigilla n(ost)ra Abb(at)is videl(icet) et Conuentus sut appensa testimonio litterarum, Datum
et actum in Monasterio nostro Brewnow Anno domini Mill(es)imo Trecentesimo octogesimo octauo die quarta mensis Marcij