Bonifacius ep(iscopu)s seruus seruor(um) dei dilecto filio mag(ist)ro Luardo Vont Capellano n(ost)ro et causar(um) palacij ap(osto)lici Auditori Salt(em) et ap(osto)licam ben(edictionem). Inter ceteras
solicitudinis n(ost)re curas que sp(eci)aliter insident cordi n(ost)ro illa potissime pulsat et excitat n(ost)ram mentem ut diuinus cultus reflorescat et iugiter augeatur et eius sentimus oppositum oportunum remediu(m) celeriter
adhibemus dudum siquide(m) per nos accepto q(uod) Cantoria eccl(es)ie Pragen(sis) que(m) quondam Iohannes dictus Spytweyz ip(s)ius eccl(es)ie Cantor du(m) uiueret obtinebat per ipsius Iohannis obitum qui extra Roman(am)
Curiam diem clausit extremu(m) uacauerat et uacabat tunc Nos de ip(s)a Cantoria siue p(re)misso siue alias quouis modo aut ex alterius cuiuscu(m)q(ue) persona seu per assecutione(m) alterius beneficij ecclesiastici
ap(osto)lica auctoritate collati uacaret dummodo tunc non esset in ea alicui sp(eci)aliter ius quesitu(m) dilecto filio Iohanni dicto Konczirz diacono in eccl(es)ia p(re)dicta per n(ost)ras l(itte)ras gratiose mandauimus prouideri. Sco
lastico eccl(es)ie Boleslauien(sis) Pragen(sis) dioc(esis) eius proprio nomine no(n) expresso et duobus alijs ip(s)ius in hac parte collegis super hoc executoribus deputatis prout in eisdem l(itte)ras plenius continetur et deinde
sicut exhibita nobis nuper pro parte dilector(um) filior(um) Decani et Capituli eccl(es)ie Pragen(sis) peticio continebat p(re)fatus Iohannes dictus Konczirz asserens sibi de ip(s)a Cantoria uigore dictar(um) l(itte)rar(um)
prouisum fuisse canonice ip(s)amq(ue) Cantoriam ad se spectare dilectu(m) filiu(m) Nicolaum dictu(m) Kaawe p(res)b(ite)r(u)m Pragen(sis) dioc(esis) que(m) p(re)fati Decanus et Capitulum Cantorem dicte Pragen(sis) eccl(es)ie deputauerant quiq(ue)
in possessione ip(s)ius Cantorie uigore deputationis hui(us)modi tunc existebat prout existit super hoc petendo Cantoriam ip(s)am sibi adiudicari et super ea dicto Nicolao perpetuu(m) silenciu(m) imponi ip(su)mq(ue) Nico
laum ab eadem Cantoria amoueri seq(ue) in corporalem possessione(m) ip(s)ius Cantorie induci coram quodam Wenceslao Scolastico dicte Boleslauien(sis) eccl(es)ie p(re)dictar(um) l(itte)rar(um) p(re)textu traxit in causam et
subsequenter postqua(m) idem Wenceslaus ad nonnullos actus in causa huiusmodi etia(m) usq(ue) ad conclusionem inclusiue processerat eode(m) Wenceslao dictam Scolastriam dimittente dilectus filius Ioh(ann)es
nunc Scolasticus ip(s)ius Boleslauien(sis) eccl(es)ie ulterius in huiusmodi causa procedens diffinitiuam pro p(re)fato Iohanne dicto Konczirz et contra dictu(m) Nicolau(m) sententiam promulgauit a qua pro par
te Decani et Capituli asserentiu(m) sua int(er)esse ac Nicolai p(re)dictor(um) fuit ad sedem ap(osto)licam appellatu(m) nos causam appellationis huiusmodi tibi audiendam commisimus et fine debito terminandam
tuq(ue) in huiusmodi appellationu(m) causis ad nonnullos actus inter partes easdem duceris processisse. Cum aute(m) sicut eadem peticio subiungebat a dicta Cantoria tam pro tempore obtinens pro solo
nutu Decani dicte Pragen(sis) eccl(es)ie pro tempore existentis ac p(re)fator(um) Capituli amoueri potuisse ac etiam posse dicatur sitq(ue) ip(s)i Cantoria nudu(m) ministerium et ad Cantore(m) eiusde(m) Pragen(sis) eccl(es)ie
pro tempore existente(m) ministeriu(m) spectet ex comissione dictor(um) Capituli clicos chorales eiusde(m) Pragen(sis) eccl(es)ie in cantu gramatice ac docere ip(su)m oporteat bona uoce habere ac in cantu peritum
esse et fortem ad intonandu(m) et cantandum in choro cuiusq(ue) ministerio chorus cantus et diuinus cultus in dicta Pragen(sis) eccl(es)ia gubernetur et regatur et si aliquis imperitus et insufficiens depu
taretur ibidem profecto ut uerisimiliter p(re)sumitur diuinus cultus et ordo in cantu in eccl(es)ia Pragen(sis) deficerent sepedicta pro parte dictor(um) Decani et Capituli nobis fuit humiliter supplicatu(m)
ut super hijs prouidere de benignitate ap(osto)lica dignaremur. Nos igitur statu(m) causar(um) huiusmodi habentes p(re)sentibus pro expresso huiusmodi supplicationibus inclinati discretioni
tue per ap(osto)lica scripta committimus et mandamus quatinus si uocatis p(re)fato Iohanne dicto Konczirz et alijs qui fuerint euocandi tibi legitime constiterit q(uod) ab ip(s)a Cantoria illam
pro tempore obtinens pro solo nutu Decani et Capituli p(re)dictor(um) amoueri consueuerit siue possit eidem Iohanni super dicta Cantoria auctoritate n(ost)ra perpetuu(m) silenciu(m) imponas ip(su)mq(ue)
amoueas ab eadem et si forsan ita esse no(n) inueneris ip(s)amq(ue) Cantoriam pro tempore obtinens ab ea pro huiusmodi nutu dictor(um) Decani et Capituli no(n) consueuerit neq(ue) possit amoueri p(re)
fatum Iohanne(m) dictu(m) Konczirz in huiusmodi causa finalem uictoriam ad dicta(m) Cantoriam contigerit obtinere auctoritate p(re)dicta statuas et ordines q(uod) cedente uel decedente ip(s)o Iohanne
dicto Konczirz uel eandem Cantoriam alias quomodolibet dimittente ab ip(s)a Cantoria cu(m) extunc decetero pro tempore obtinens pro solo nutu Decani dicte Pragen(sis) eccl(es)ie pro tempore
existentis et Capituli p(re)dictor(um) possit amoueri Nos enim tibi citandi eundem Iohannem dictu(m) Konczirz extra dictam Curiam ad partes quotiens opus erit plenam et liberam tenore
p(re)senciu(m) concedimus facultatem dictaq(ue) Cantoria deinceps perpetuo manualis reputetur Non obstantibus q(uod) causa huiusmodi de sui natura ad eandem Curiam non sit legitime
deuoluta et apud eam tractanda et finienda et tam felicis recordationis Bonifacij p(a)p(e) viij p(re)decessoris n(ost)ri ac de una et de duabus dietis in Concilio generali quam alijs quibuscu(m)q(ue) con
stitutionibus ap(osto)licis necno(n) statutis et consuetudinibus dicte Pragen(sis) eccl(es)ie contrarijs iuramento confirmatione ap(osto)lica uel quacu(m)q(ue) firmitate alia roboratis.
Dat(um) Rome apud Sanctumpetrum iij Non(as) Decembr(is) Pontificatus n(ost)ri Anno Octauo
Jo(hannes) a(n)t(e) gratias