In nomine domini amen Anno Natiuitatis eiusdem Millesimo Quadringentesimo
Sexto Indicione xiiij die xiiij mensis Junij hora terciarum uel quasi Pontificatus
Sanctissimi in cristo patris et domini nostri domini Innocencij diuina prouidencia pape septimi
Anno Secundo In domo habitacionis honorabilis viri domini Wenceslai dicti portulani
Sacriste ecclesie Pragen(sis) sita apud eandem ecclesiam pragen(sem) in stuba magna
in loco Capitulari et ubi Capitulum fieri consueuit In mei Notarij publici infrascripti ac
testium pro ea sub scriptorum Constituti personaliter Venerabiles Viri domini
Johannes de Walesow Scolasticus et Johannes Ebel decretorum doctor Cano(ni)ci
Pragen(ses) honorabiles viros dominos et magistros Johannem Stumbe de aragonum
Cano(ni)cum ecclesie sancti petri ad muros et agnaniam hartungum acolitum dicte ecclesie
in Roman(a) Curia pariter residen(tes) mora trahent(es) absentes tamquam presentes ambo et
eorum quemlibet in solid(um) tamquam procuratores ipsorum et procuratorum in dicta Curia Roman(a) Curia
et alios omnes et singulos ipsorum procuratores ac eorum et cuiuslibet eorum substitutos ab eis seu eorum altero
In causa et causis que inter predictos dominos Johannem Scolasticum et Johannem
Ebel ex parte Vna et Venerabiles viros Bohuslaum decanum et Capitulum ac Can(onicos)
ecclesie pragen(sis) Necno(n) venerabiles viros Wenceslaum prepositum Johannem infulatum
in Castro pragen(si) prepositos ac Wenceslaum de Radecz decanum sancti Appollinaris
Pragen(sis) ecclesiarum Administratores in spiritualibus dicte ecclesie pragen(sis) de et super quibusda(m) litib(us)
et controuersijs occasione certorum debitorum in prosecucione eleccionis bone memorie
domini Nicolai dicti puchnik in Archiepiscopum pragen(sem) electi contractorum exortarum et forsan
in huiusmodi prosecucione tam in Roman(a) Curia quam eciam coram certo Auditore seu Auditorib(us)
siue Judicib(us) quocumque seu quibuscumque a dicta sede apostolica ipsis partib(us) datis et deputatis
Vertit(ur) Vertentur ac verti et esse sperant(ur) in Curia Roman(a) pro ea parte ex altera prefati
domini Johannes Scolasticus et Johannes Ebel in eorundem dominos et magistros Johannem
Stumbe et hartungum procuratores ipsorum antedictos ac substitutos seu substitut(os) ab eis seu
eorum altero in dicta causa totaliter reuocauerunt et per hoc presens Instrumentum publicum
reuocant ac liti et cause huiusmodi racione cuiusdam amicabilis concordie et composicionis
pro ipsis partib(us) hincinde facte cesserunt et cedunt coram me Notario publico et testibus
infrascriptis totaliter et in toto Reuocacionis procuratorum reuocacionis ac alijs omnibus et
singulis suprascriptis prefati domini Johannes et Johannes pecierunt sibi fieri per me
Notarium publicum subscriptum Vnum uel plura publicum Instrumentum seu publica
Instrumenta Acta sunt hec Anno Indicione die mensis hora pontificatu et loco
quibus supra presentibus discretis viris dominis Conrado dicto Nyemecz Jacobo
dicto logwacz et ffranc(isco) vicarijs ecclesie pragen(sis) supradicte testibus ad premissa vocatis
specialiter et Rogatis :
Et ego Petrus natus quondam Mathie wancz de
lima clericus Pragen(sis) dioc(esis) publicus Imperiali
auctoritate ac dominorum Prelatorum et Canonicorum Capituli dicte
Pragen(sis) Juratus Notarius supradictorum procuratorum reuocacioni
ac alijs omnibus et singulis suprascriptis dum sic fierent et
agerentur Vna cum prenominatis testibus presens interfui
Eaque omnia et singula sic fieri Vidi et audiui et in hanc
publicam formam redegi Signoque et nomine meis solitis et consuetis consignaui
Rogatus et Requisitus in fidem et testimonium omnium premissorum