JOHANNES ep(iscopu)s seruus seruo(rum) dei Dilecto filio Johanni Hermanni de Culebecz Canonico eccl(es)ie sancti Petri Wissegraden(sis) p(ro)pe
Pragam Bacallario in decretis Sal(u)t(em) et ap(osto)licam ben(edictionem). Littera(rum) scientia uite ac mo(rum) honestas aliaq(ue) laudabilia p(ro)bitatis et uirtutum merita super quibus apud nos fidedigno commendaris
test(imonio) nos inducunt ut te specialibus fauoribus et gratiis prosequamur. Dudum siquidem felicis recordationis Vrbanus p(a)p(a) v p(re)decessor n(oste)r per suas litteras statuit et etiam ordinauit
ut nullus in maiori et alia seu duabus eccl(es)ijs Ciuitatis et Suburbio(rum) Pragen(sium) Canonicatus et prebendas insimul obtinere ualeret nisi forsan huiusmodi Canonicatus et prebende alicui dignitati per
sonatui uel officio in aliqua ea(run)dem eccl(es)ia(rum) canonice essent annexi et q(uo)d quicu(m)q(ue) in duab(us) obtineret in altera eccl(es)ia(rum) p(re)dicta(rum) iur(e) assequeretur Canonicatus et prebendas illis quos prius obtinebat Canoni
cati et prebendi priuatus exist(eret) prout in ip(s)is litteris plenius continetur. Cum autem sicut exhibita nobis nuper pro parte tua petitio continebat tu qui Canonicatum et prebendam eccl(es)ie sancti
Petri Wissegraden(sis) p(ro)pe Pragam ac parrochialem eccl(es)iam sancti Jacobi in Tusta Pragen(sis) dioc(esis) quo(rum) fruc(tus) reditus et prouentus Quinquagintaquinque Marcha(rum) argenti puri secundum com
munem extimationem ualorem annuum non excedunt obtines in causa inter te et dilectum filium Jacobum Zibotkon(is) p(res)b(ite)r(u)m dic(te) dioc(esis) super Canonicatu et prebenda maioris eccl(es)ie Pragen(sis) orta et
coram diuersis Auditoribus causaru(m) palatij ap(osto)lici ex commissionibus ap(osto)licis diutius uentilata duas per quas ab impetitione dic(ti) Jacobi absolutus fuisti sententias reportaueris et causa appellationis
a secunda dic(ta)ru(m) sententia(rum) interposite coram certo Auditore causa(rum) eiusdem palatij pendeat indecisa pro parte tua fuit nobis humiliter supplicatum ut si et post(ea)q(uam) dic(tos) Canonicatum
et prebendam maioris eccl(es)ie euincere te contingat q(uo)d illos unacum p(re)dictis Canonicatu et prebenda eccl(es)ie sancti Petri retinere ualeas dispensare de benignitate ap(osto)lica dignaremur. Nos
itaq(ue) uolentes te qui p(res)b(ite)r et etiam ut asseris exacto in Artibus existis p(re)missorum merito(rum) tuo(rum) intuitu necnon consideratione Carissimi in xpo filij n(ost)ri Wenceslai Roman(orum) et Bohemie
Regis illustris pro te dilecto Consiliario suo nobis super hoc humiliter supplicantis fauore prosequi gratioso huiusmodi ipsius Regis ac tuis in hac parte supplicationibus inclinati tecum ut etiam
post(ea)quam Canonicatum et prebendam maioris eccl(es)ie p(re)dic(tos) pacifice assecutus fueris cum illis eosdem Canonicatum et prebendam quos obtines ut prefertur quoaduixeris reti
nere libere et licite ualeas statuto et ordinatione p(re)dictis necnon alijs quibuscu(m)q(ue) Const(itutionibus) ap(osto)licis necnon statutis et consuetudinibus ea(run)dem eccl(es)ia(rum) contrarijs iuramento con
firmatione ap(osto)lica uel quacu(m)q(ue) firmitate alia roboratis et alijs contrarijs nequaquam obstantibus ap(osto)lica auc(tori)tate tenore p(re)sentium dispensamus. Nulli ergo omnino hominum liceat hanc
paginam n(ost)re dispensationis infringere uel ei ausu temerario contraire. Siquis autem hoc attemptare presumpserit indignationem omnipotentis dei et beato(rum) Petri et Pauli Apostolo(rum) eius se
nouerit incursurum. Dat(um) Bononie viij Id(us) Julij Pontificatus n(ost)ri Anno Primo.