Pius Episcopus, Servus Servorum Dei, dilecto Filio Josepho Kupka, electo Episcopo Titulari
Adrahensi, salutem et Apostolicam benedictionem. Commissum humilitati Nostrae ab aeterno Pastorum Principe officium regendi, pascendi et gubernandi universalem
Ecclesiam, Nos impellit ut curemus, ne memoria pereat illarum Ecclesiarum, quae virtutum splendore et religionis prosperitate floruerunt, etsi modo temporum vicissitudine et
iniuria pristinam amiserint fulgentem gloriam. Cum itaque Titularis Ecclesia Episcopalis Adrahensis, sub Archiepiscopo Bosrensi, cuius titulum bonae memoriae Jose
phus Stoffels, Episcopus, gerebat, per ipsius obitum in praesens vacans exsistat; Nos Te, Canonicum poenitentiarium Cathedralis Ecclesiae Brunensis, ad praedictam Titu
larem Ecclesiam Episcopalem Adrahensem, de Venerabilium Fratrum Nostrorum S. R. E. Cardinalium consilio, apostolica auctoritate eligimus, eiusque Tibi titulum confe
rimus cum omnibus iuribus, privilegiis et oneribus sublimi huic dignitati inhaerentibus. Volumus autem et mandamus ut Tu, episcopali dignitate auctus, Venerabili Fra
tri Norberto Klein, hodierno Episcopo Brunensi, in pontificalibus exercendis, aliisque pastoralibus muneribus obeundis adiumentum praestes, ita tamen ut haec, nonnisi de con
sensu et licentia praefati Norberti Episcopi, in Civitate ac Dioecesi Brunensi obire possis; cuius propterea Norberti Episcopi Te in auxiliarem, de ipsorum Cardinalium pa
riter consilio, eadem Apostolica auctoritate, per easdem praesentes litteras constituimus et deputamus. Volumus quoque ut, etiam ceteris impletis de iure servandis, ante
quam episcopalem consecrationem recipias, in manibus cuiuscumque, quem malueris, catholici Antistitis, gratiam et communionem Sedis Apostolicae habentis, fidei
catholicae professionem emittere ac sueta iuramenta praestare, iuxta formulas praesentibus litteris adnexas et illas, vel earum exemplaria, Tui dictique Antistitis sub
scriptione ac sigillo munita, ad Cancellariam Apostolicam intra sex menses transmittere omnino tenearis. Ad hoc Antistiti a Te electo professionem ac iuramenta illa Nostro
et Romanae Ecclesiae nomine recipiendi munus ac mandatum per praesentes committimus. Firmam autem spem fiduciamque concipimus fore ut, dextra Domini Tibi assistente pro
pitia, memorata Cathedralis Ecclesia Brunensis per tuam assiduam cooperationem et studium fructuosum prospera in spiritualibus ac temporalibus suscipiat incrementa. Datum Romae,
apud Sanctum Petrum, anno Domini Millesimo nongentesimo vigesimo quarto, die decima mensis Aprilis, Pontificatus Nostri anno tertio. = P. P. =
Octavius Card. Cagiano S. R. E. Cancellarius