Pius Episcopus Servus Servorum Dei.
Venerabili Fratri Episcopo Brunensi, Metropolitanae Ecclesiae Olomucensi Suffraganeo, salutem et apostolicam benedictionem. Hodie
Nos, de venerabilium Fratrum Nostrorum S. R. E. Cardinalium consilio, ad vacantem Metropolitanam Ecclesiam Olomucensem, cui Tua
Cathedralis Ecclesia est suffraganea, dilectum Filium Joseph Matocha, Nostrum Praelatum Domesticum, in Facultate Theologica Archidioe
cesis Olomucensis Professorem, apostolica auctoritate elegimus ipsumque illi Archiepiscopum praefecimus et Pastorem. De qua re Fra
ternitatem Tuam Nostris hisce Litteris certiorem facimus Tibique in Domino mandamus ut, pro Nostra et Sedis Apostolicae reveren
tia, eidem Joseph, electo Tuo Metropolitae, debitam iuxta sacros canones obedientiam praestes eique reverentiam exhibeas ita ut mutua
inter Te et Ipsum gratia uberes in animarum bonum sortiatur effectus. Datum Romae apud S. Petrum, anno Domini millesi
mo nongentesimo quadragesimo octavo, die vigesima tertia Martii mensis, Pontificatus Nostri anno decimo. = H. L. =
Pro S. R. E. Cancellario
+ F. Card. Marchetti-Selvaggiani
S. Collegii Decanus
~Eduardus~ de Felici(s) Not. Ap.
Alfridus Liberati, Canc. Apost. Adiutor a studiis
Expedita
die decimaquarta Maii
anno decimo.
Albertus Serafini Proton. Apostolicus
Alfridus Marini Plumbator