AD PERPETVAM REI MEMORIAM. Alias volentes Nos paroch(ialem) Eccl(es)iam oppidi Ciuitatis nuncu(pati) Hiedilspurgk olomucen(sis) dioc(esis), simili eo usq(ue) priuilegio, ut tunc accepimus, minimè decoratam,
dummodò in ea duodecim ad minus Sacerdotes existerent, et in ea sit(um) Altar(e) per Ordinarium semel designan(dum) hoc sp(eci)ali dono illustrare, auct(oritat)e Nobis à D(omi)no tradita, et de omnipot(ent)is Dei misericordia, ac beator(um) Petri et Pauli Ap(osto)lorum
eius auct(oritat)e confisi, Vt quandocumq(ue) Sacerdos aliquis eiusdem Eccl(es)iæ dumtaxat Missam defunctor(um) in die Commemorationis defunctor(um), et singulis diebus infra illius Octauam, ac secunda feria cuiusl(ibet) hebdomadæ pro anima cuiuscumq(ue)
fidelis, quæ Deo in charitate coniuncta ab hac luce migrasset, ad p(ræfa)tum Altar(e) celebraret, anima ipsa de thesauro Eccl(es)iæ per modum suffragij Indulgentiam consequeretur, Ita ut D(omi)ni n(ost)ri Iesu Christi, ac B(eatæ) Mariæ Virginis Mariæ,
Sanctorumq(ue) omnium meritis sibi suffragantib(us) à Purgatorij poenis liberaretur concessimus, et indulsimus, et aliàs prout in n(ost)ris in simili forma Breuis desuper expeditis l(itte)ris, quar(um) ten(orem) p(ræse)ntibus pro expresso haberi volumus,
pleniùs continetur. Nunc aut(em) eandem Eccl(es)iam ampliori dono illustrare cupientes, eadem auct(oritat)e confisi, Indulgentia(m) p(ræfa)tam pro Sacerdotibus eiusdem Eccl(es)iæ dumtaxat per Nos ut prætur concessam ad o(mn)es et quoscumq(ue)
Sacerdotes in d(ic)ta Eccl(es)ia celebrantes extendimus, et ampliamus, Ita ut quandocumq(ue) Sacerdos aliquis sæcularis, seu cuiusuis ordinis regularis missam defunctor(um) in diebus sup(radic)tis pro anima cuiuscumq(ue) fidelis quæ Deo
in charitate coniuncta ab hac luce migrauerit ad p(ræfa)tum Altar(e) celebrabit, anima ipsa de thesauro Eccl(es)iæ per modum suffragij indulgentia(m) consequatur, q(uatenus) eiusdem D(omi)ni n(ost)ri Iesu Christi, ac B(eatæ) Mariæ Virginis Mariæ
Sanctorumq(ue) o(mn)ium meritis sibi suffragantibus à Purgatorij poenis liberetur perp(etu)ò concedimus, et indulgemus. In contr(ari)um facien(tibus) non obstan(tibus) quibuscumq(ue). Dat(um) Romæ apud Sanctam Mariam Maiorem
sub annulo Piscatoris die xxxj Ianuarij M. D. C. XViij. Pont(ificat)us Nostri Anno Decimotertio.