NOS FERDINANDVS
Secundus diuina fauente clementia electus Romanorum Imperator semper Augustus ac Germaniæ, Hungariæ, Bohemiæ, Dalmatiæ, Croatiæ et Sclauoniæ, Rex, Archidux Austriæ, Dux Burgundiæ, Marchio Morauiæ, Lucemburgensis et Silesiæ Dux, Marchioq(ue)
Lusatiæ, Ad perpetuam rei memoriam notum facimus tenore præsentium uniuersis et singulis quibus expedit. Accedens ad nostræ Imperialis atq(ue) Regiæ Majestatis Præsentiam Reuerendissimus in Christo Pater et Illustrissimus Dominus Franciscus
S. R. E. tituli Beatæ Mariæ Virginis trans Tyberim Presbyter, Cardinalis et Princeps à Dietrichstein Episcopus Olomucensis, et Regiæ Capelæ Bohemiæ Comes, Intimus Consiliarius, Affinis et Princeps noster charissimus, humiliter exposuit, quatenus Con
sensu et Aprobatione Apostolicâ suorum Antecessorum ac Genitorum pijs conatibus insistendo, in Ciuitate suâ Nicolspurgæ, non solum Parochialem Ecclesiam apud S. Wenceslaum nuncupatam, in Collegiatam seu Præposituram extulerit, et nouam in honorem
Beatissimæ ac Gloriosissimæ Virginis Dei Genetricis Mariæ, ad formam templi B. Virginis de Loreto, extruxerit, verum etiam utramq(ue) egregijs donis, largitionibus et perpetuis censibus, alijsq(ue) ad Sustentationem tùm ipsius Præpositj, tùm quatuor Canunico
rum, reliquorumué Ministrorum necessarijs, Redditibus, ac Prouentibus, ex proprijs suis bonis et facultatibus, dotasset atq(ue) fundauisset: demissè Nobis supplicans, ut de Autoritate Regiâ tanquam Rex Bohemiæ, et Marchio Morauiæ hasce suas fundatio
nes non tantùm clementer approbare et confirmare, verùm etiam tueri et conseruare dignaremur: præsertim autem Dispositionem super ijs factam, et Nobis in Originali exhibitam, cujus Principij verba sunt à parte dextrâ; In nomine Domini Amen. à Si
nistrâ; Nos Franciscus miseratione diuinâ Sanctæ Romanæ Ecclesiæ tit: S. Mariæ trans Tyberim Presbyter Cardinalis et Princeps à Dietrichstein Episcopus Olomucensis (et)c. et Conclusio sonat; Datum in Arce nostra hæreditaria Nicols
purgensi die vicesimâ secundâ Augustj, qui fuit natalis noster Anno salutis nostræ Millesimo Sexcentesimo Vicesimo quinto. Nos itaq(ue) qui incrementum et propagationem Sanctæ Religionis Catholicæ, piorumq(ue) locorum ad diui
nj Numinis gloriam exaltationem intensis affectamus desiderijs, hisce prænominatæ Dominj Cardinalis ac Principis à Dietrichstein, Dilectionis Votis benignè duximus annuendum. Quapropter ex certâ nostrâ scientiâ, non per errorem
aut improuidè, sed animo deliberato, sano et maturo Procerum, aliorumue fidelium nostrorum accedente Consilio, Autoritate Regiâ tanquam Rex Bohemiæ, et Marchio Morauiæ, prædictas fundationes, earumq(ue) à Suâ Dilectione factam ac
constitutam Dispositionem unà cum omnibus ejusdem appendicibus, Clausulis et articulis approbauimus, ratificauimus ac confirmauimus: prout vigore præsentium omnia ejusdem et singula, ac si præsentibus hisce integrè et specia
liter, de verbo ad verbum, inserta atq(ue) addita fuissent contenta, approbamus, ratificamus et confirmamus: Decernimusq(ue) hoc nostro Edicto Regio firmissimè ac constitutum volumus, ut eadem in genere et in specie, in posterum ac perpe
tuis temporibus, plenum, firmum ac inuiolabile robur, sine cujusuis perturbatione aut molestatione habeant, retineant et consequantur. Et propterea requirimus Serenissimos ac charissimos filios, hæredes ac Successores nostros
Reges Bohemiæ, eis paternè et gratiosè committentes, ut hanc nostram Confirmationem fideliter et diligenter manuteneant et obseruent: Mandamus quoq(ue) uniuersis et singulis Superioribus et Inferioribus Officialibus nostris per Regnum
Bohemiæ et Marchionatum Morauiæ ubilibet constitutis, cujuscunq(ue) Status, gradus, Conditionis seu præeminentiæ extiterint, ne Præpositum, Canonicos, aut reliquos præfatos Ministros, siue in personis siue in rebus molestent, nec à quopiam
alio super his omnibus turbari, aut quocunq(ue) modo molestari permittant, verùm juxta hanc nostram Confirmationem Regiam nostro nomine efficaciter tueantur et conseruent. Nemine prorsus sub animaduersione et pœnâ nostrâ
grauissimâ refragante. In quorum fidem ac euidens testimonium hasce præsentes manus Nostræ subscriptione, et Sigillj nostrj Cæsarej Regijq(ue) appensione munitas fierj curauimus. Dabantur in Ciuitate nostra Vienna die vi
cesimâ Sextâ Mensis Februarij Anno Christj Millesimo Sexcentesimo Vicesimo Sexto, Regnorum Nostrorum, Romanj Septimo, Hungaricj Octauo, et Bohemicj Nono.