WIR Sabina Wetzeldin Fraw
vnnd Abbtißin Vrsula Großin Priorin Anna From
boldin Suppriorin vnnd N: N: die gantze Samblung des Stiffts vnnd Jungfrawen Closters Lieben
thal. Endtbietten allen vnnd Jglichen Geist: vnnd Weltlichen Obrigkeiten vnnd Herren, Bürgermeistern, Rathmannen Ge
schwornen vnnd Eltisten Allergewercken vnnd gemeinden so hirmit ersucht werden Vnnsern Freundtlichen Ehrengrueß nebenst wünsch
ung von Gott allerheyllamben wolfart hirmit offentlich vor Männiglich bekennende daß für vnns Vnnseren Ambtsverwalter vnd
Cantzler Melcher Straußen, wie auch Ambts Schößern Tobitz George Nieringen Kommen sindt die Arbeitsambe vnnser sonders
liebe vnd getrewe George Hoffman Erbscholtz zue Schmietseiffen Melcher Rüthe, Baltzer Langge, Michel Krupldt, Abraham
Beyer, Melcher Hückester, vnd Christoph Gleißberg Geschworne Eltisten daselbst, vnd haben auf vorgehende Erinnerung mit ent
blösten haubtern vnd aufgeregten fingern bey ihren wahren Eiden, vnd Pflichten damit sie Gott vnd Vns verbunden seint bekandt vn
außgesagt daß ihnen woll bewüst vnd wahr sey, daß furiweiler dies der WolEhrwürdige vnd hochgelahrte Herr Matthäus
Herdtraufft Artium liberalium et Philosophiæ Magister vnd der zeit wolverordneter Pfarherr zue durnholtz im Margar
Reahren von seinem Vattern Baltzer Herdtraufften Jtziglandt Kucngärdtnern vnd Kretzschmern zu Schmietseiffen vnd seiner Mut
ter Vrsula George ~...~ Haselichten Ehelichen Tochter beyden seinen Ehelichen Eltern Als Ehrlichen Biederleuten nach ordnung vnnd
einsetzung der H: Catholischen Kirchen auß einem rechten Ehebette Ehrlich geboren vnd aufrichtiger vntadelhaffter gutter Teutscher
vnd nit Wendischer art bekomen, auch vermöge der gemeinen Kirchen Regest daselbst von nachbenantten Persohnen Herr Matthæo
Rennern Pfarherrn George Spitzen Kirchen vnd gerichtsschreibern vnd Anna Matthes Arnolds Lehensmaunns Ehelicher
haußfrawen aller zu Schmetseiffen seinen Paten zur Hey: Christlichen Tauffe gebracht worden sey: Welche seine Eltern zusampt
ihme aldieweil Hie bey ihnen gewohnet sich allewege in guettem lobfertigen gerichte verhalten Also daß Wier dergleichen auch Hie vnsere ob
gedachte Beambteten von gemeltem Herr M: Matthæo Herdtraufften vns seinen beyden Eltern anders nichts dan was Ehr:
vnd Redlich ist nach zusagen wissen. Vnnd demnach er bey vnß vmb Zeügnuß wegen seiner Ehelichen gebürth herkommens, vnd ver
haltnuß Als vleißes anhalten laßen haben wier Ihme solches mit billigkeit nit versagen Können Bietten demnach alle vnd Jede so hirmit ersucht
werden sonders vleißes Hie wollen diesem waß oben gemeldt nit allein glauben beymessen sondern auch wolgedachtem Herrnn Ma:
Matthæum Herdtraufften seiner Ehelichen gebürth vnd seines vnd der seinigen Ehrlichen wolverhaltens genuegslichen Em
pfinden vnd ihnen zue genaden vnd gunsten trewlich empfohlen sein laßen. Daß sindt wir erbettig kegen einem Jeden nach erheisch
ung standes vnnd wesens dergebuer nach in allem gutten danckbarlich zuebeschulden. Zue vhrkundt, vnd mehrer beglaubigung haben
wir vnsers Stiffts Großes Insigil an diesen Brieff hengen laßen so geschehen vnd gegeben ist in vnserm Stifft liebenthal den Viertzehen
den Tag dis Monats Nouembris nach Christi vnsers Lieben Herren geburth in dem Sechzehenhundert Sieben vnd Viertzigisten
Jahre