CAROLUS DEI GRATIA EPISCOPUS OLOMU
censis, Dux, S(acri) R(omani) I(mperii) Princeps, Regia Capella Bohemiæ & de Lichtenstein Comes.
Omnibus, quorum interest, Salutem in Domino Sempiternam.
Quandoquidem per Obitum Adm(odum) R(everen)di Wolffgangi Sigismundi Fischer Præpositura Collegiatæ Ecclesiæ S(anc)ti Wenceslai Nicolsburgi in Diœcesi nostra Olomucensi vacare contigerit, & actu adhuc
vacet, cujus Præsentatio ad Suam Dilectionem Titul(o) Dominum Principem Ferdinandum de Dietrichstein p(ro) p(arte) ab antiquo Spectare dignoscitur, Ipseque Nobis tanquam loci Ordi
nario ad Commemoratam Præposituram, ut præfertur, vacantem Venerabilem Nobis fidelem dilectum Ignatium Wohlhaupter hactenus Decanum Ruralem, & Parochum ad S(anc)tum Jacobum
Brunæ, canonice præsentaverit, ac præterea a Nobis efflagitaverit, quatenus ipsi confirmationem nostram supra præfata Præpositura S(anc)ti Wenceslai Nicolsburgi benigne impertiri dignaremur.
Nos itaque prædicti Ignatii Wohlhaupter eximiarum animi dotum, vitæ, morumque, ac probitatis intuitu precibus ejusdem benevole annuentes prædictam Præposituram sic, ut præfertur, va
cantem Eidem conferendam decrevimus, prout etiam defacto benigne conferimus, servatis tamen servandis, et præstitis præstandis Eundem in Præpositum Nicolsburgensem tanquam Canoni
ce præsentatum recipimus, receptumque super Eadem Præpositura tenore præsentium authoritate nostra ordinaria in DEI Optimi Maximi nomine instituimus, investimus, et Confirmamus,
mandantes proinde R(everen)do Nobis fideli dilecto Joanni Baptistæ Capelmuro insignis Collegiatæ ad S(anc)tum Petrum, & Paulum Brunæ Decano, quatenus præfatum Ignatium Wohlhaupter
Seu ipsius legitimum Procuratorem ejus nomine in realem, corporalem, et actualem possessionem prætactæ Præposituræ, ejusdemque Jurium, & Proventuum more Consueto inducat, inductumque
authoritate nostra defendat. In quorum fidem hasce manu nostra propria Subscripsimus, Sigilloque nostro muniri jussimus. Data in Civitate nostra residentiali Cremsirii die vigesima
Junii Anno millesimo Sexcentesimo Octuagesimo Septimo.
Carolus
Ad mandatum Rev(erendissi)mi & Cels(issi)mi Prin
cipis proprium
Elias Isidorus Schmidt
Secretarius m(anu) p(ropria)