1456_I_03
CZ-KAVB > VYBRO > 1456_I_03
highMonasterium
Quelle: MonasteriumKI-PaläografieKI-Interpretation
Ansicht
Übersetzung
Transkriptiongemini-3.1-pro-preview
Ich peter frenczer Sessefft zu drachperg mein haussfraw vnd all vnser Erben Bekennen vnd thuen kund offenleich mit dem brieff
Allen die jnn Sehendt horent oder lesen das wir mit guetm willen vnd bedachtleich vnd auch nach rat willen vnd gunst vnser
natsten pesten frewndt vnd sunder zu der zeit da wir das rechtleich vollkomen machn vnd recht thun recht vnd redleich ver=
kaufft vnd zu kauffen Gegebn habn dem Erbn Bietzen Krossawer die zeit phley zu weichmhawsen vnd allen seinen Erben
vnser zway guet Gelegen zu reyhenaw oben an dem ort vnd jnder herschafft weichhawsen mit aller zuegehorung vnd
mit allen ezn renten vnd nutzn dienstn Gultn vnd radenitz So von alt darzue gehornt vnd gewendt da bey sind vnd hin
fur da von bekomen mugen sy sey zu hoff zu haws zu holtz zu veld waid wismad wasser graw zawn rain stotzn stain
gewnt vnd podn bey klam bey grosz besucht vnd vnbesucht nichts ausgenomen als wir das selbe jnne gehabt genutz
vnd genossen habn recht vnd gar aignleich zu einem ewign stabn kauff verkaufft vnd zu kauffn gebn habn als sol
higs kauffs vnd des lannds dar jnn dy benantn zway gut lignt recht ist vngeuarlich vmb ain Summgelts der wir
von jm gantz vnd gar ausgericht vnd betzalt sein wordn zu recht zeit vnd weyl ann allen vnsern schadn wir habn
jm auch dy wienantn zway gut mit allen irn zuegehorung jnngeantwort vnd vbergebn aus vnser vnd aller
vnser Erbn gewalt nutz vnd gwer jnn sein vnd aller seiner erbn gwalt nutz vnd gwer wir verczeihn vns auch
des aller gar vnd gantzleich jnnkrafft des gegnburtign brieffs jnn solhmasz vnd beschaidn das ich obgenant
pet frenczer mein haussfraw vnd all vnser erbn noch ander ymat von vnsentwegn zu den obgemeltn zwayn
guetn vnd aller ir zugehorung Nun hinfur ewicleich kain zuesucht recht erbschafft vnd rading nym mer habn
noch gebingn sulln mit recht noch anrecht Gaistlich noch weltlich Sunder wewleich vnd anallesgeuar wir
sein lebentig oder todt Es scholl vnd mag auch der wienat Krossawer vnd all sein erbn mit denn Egemeltn
zwayn guetn vnd aller ir zugehorung Nun furpas allen irn nutz vnd frum wol da mit betrachten vnd dy
jnnen habn hin lassen pauen nutzn vnd niessen Stifftn stozn besetztn entsetztn verkauffn versetzn schaffn machn
vnd gebn wem sy welln On vns vnd manicleichs von vnsenttwegn werrung vnd hindernusz Jch obge=
nanter pet frenczer mein haussfraw vnd all vnser Erbn sein auch der Egenantn zwayr gut zu reyhenaw
mit aller ir zuegehorung vnd auch des kauffs ir recht gwer schirm vnd furstandt furall rechtleich ansp=
rach als offt jm des notturfft beschaicht mit dem rechtn als solhs kauffs vnd lannds dar jnn dy wienantn
zway gut lignt recht ist Werd jm aber andern kauff vnd gwerhafft icht ab des sy zu schadn komen wur
der schadt genant wurdt den selbn schadn allen schulln vnd welln wir jm gantz ausragn vnd richtic
machn ann all ir mue vnd schadn vnd schulln auch das alles habn vnd bekomen zu vns vnsern Erbn vnd
tuewn vnd dar zue auf aller vnser hab vnd guet wo wir die jndert habn lassen oder gebingn Auf wasser
auff lanndt jnder lannds od ausserlannds besucht vnd vnbesucht nichts ausgenomen der aller mugn sy
sich woll darumb vnderwndn vnd die jnnen habn nutzn vnd niessen So lantz vntzt sy haubtguts vnd scha=
dens vollikleich dauon bekomen sind das ist vnser guetleich will vnd wort Ausgenomen ob der Egenant
Krossawer vnd all sein Erbn icht ansprach gebingn von dem kunig zu behaim oder wem das war von wegn
der zwayr guet zu reichnaw des soll ich obgenant pet frenczer mein haussfraw vnd all vns erbn vnen
geltn sein vngeuarleich Des zu vrkundt gib ich obgenant pet frenczer fur mich mein haussfraw vnd
all vnser Erbn den offen brieff Betzeuigt vnd besiglt mit der Erbn Sigmund stampcken zu stampach vnd
Oswalden am perg payder anhangund jnsigl die sy baid durch vnser vleissig pett willen zu Geugnusz
Ann den offen brieff gehangn habnt jm vnd allen iren Erbn vnd jn stigl an schadn vnder dy jn Sigl wir
vns obgenanters verpintn bey vnsern trewn jnn aydes weysz alles war vnd stat zehabn das der brieff jnn
halt vnd ausweyst Der geben ist nach cristi gepurdt vierzehenhundert jar vnd dar nach jnn dem
Sechsundfufzigistn Jare Am Sambtztag vor der heyligndrew kunig tag
Allen die jnn Sehendt horent oder lesen das wir mit guetm willen vnd bedachtleich vnd auch nach rat willen vnd gunst vnser
natsten pesten frewndt vnd sunder zu der zeit da wir das rechtleich vollkomen machn vnd recht thun recht vnd redleich ver=
kaufft vnd zu kauffen Gegebn habn dem Erbn Bietzen Krossawer die zeit phley zu weichmhawsen vnd allen seinen Erben
vnser zway guet Gelegen zu reyhenaw oben an dem ort vnd jnder herschafft weichhawsen mit aller zuegehorung vnd
mit allen ezn renten vnd nutzn dienstn Gultn vnd radenitz So von alt darzue gehornt vnd gewendt da bey sind vnd hin
fur da von bekomen mugen sy sey zu hoff zu haws zu holtz zu veld waid wismad wasser graw zawn rain stotzn stain
gewnt vnd podn bey klam bey grosz besucht vnd vnbesucht nichts ausgenomen als wir das selbe jnne gehabt genutz
vnd genossen habn recht vnd gar aignleich zu einem ewign stabn kauff verkaufft vnd zu kauffn gebn habn als sol
higs kauffs vnd des lannds dar jnn dy benantn zway gut lignt recht ist vngeuarlich vmb ain Summgelts der wir
von jm gantz vnd gar ausgericht vnd betzalt sein wordn zu recht zeit vnd weyl ann allen vnsern schadn wir habn
jm auch dy wienantn zway gut mit allen irn zuegehorung jnngeantwort vnd vbergebn aus vnser vnd aller
vnser Erbn gewalt nutz vnd gwer jnn sein vnd aller seiner erbn gwalt nutz vnd gwer wir verczeihn vns auch
des aller gar vnd gantzleich jnnkrafft des gegnburtign brieffs jnn solhmasz vnd beschaidn das ich obgenant
pet frenczer mein haussfraw vnd all vnser erbn noch ander ymat von vnsentwegn zu den obgemeltn zwayn
guetn vnd aller ir zugehorung Nun hinfur ewicleich kain zuesucht recht erbschafft vnd rading nym mer habn
noch gebingn sulln mit recht noch anrecht Gaistlich noch weltlich Sunder wewleich vnd anallesgeuar wir
sein lebentig oder todt Es scholl vnd mag auch der wienat Krossawer vnd all sein erbn mit denn Egemeltn
zwayn guetn vnd aller ir zugehorung Nun furpas allen irn nutz vnd frum wol da mit betrachten vnd dy
jnnen habn hin lassen pauen nutzn vnd niessen Stifftn stozn besetztn entsetztn verkauffn versetzn schaffn machn
vnd gebn wem sy welln On vns vnd manicleichs von vnsenttwegn werrung vnd hindernusz Jch obge=
nanter pet frenczer mein haussfraw vnd all vnser Erbn sein auch der Egenantn zwayr gut zu reyhenaw
mit aller ir zuegehorung vnd auch des kauffs ir recht gwer schirm vnd furstandt furall rechtleich ansp=
rach als offt jm des notturfft beschaicht mit dem rechtn als solhs kauffs vnd lannds dar jnn dy wienantn
zway gut lignt recht ist Werd jm aber andern kauff vnd gwerhafft icht ab des sy zu schadn komen wur
der schadt genant wurdt den selbn schadn allen schulln vnd welln wir jm gantz ausragn vnd richtic
machn ann all ir mue vnd schadn vnd schulln auch das alles habn vnd bekomen zu vns vnsern Erbn vnd
tuewn vnd dar zue auf aller vnser hab vnd guet wo wir die jndert habn lassen oder gebingn Auf wasser
auff lanndt jnder lannds od ausserlannds besucht vnd vnbesucht nichts ausgenomen der aller mugn sy
sich woll darumb vnderwndn vnd die jnnen habn nutzn vnd niessen So lantz vntzt sy haubtguts vnd scha=
dens vollikleich dauon bekomen sind das ist vnser guetleich will vnd wort Ausgenomen ob der Egenant
Krossawer vnd all sein Erbn icht ansprach gebingn von dem kunig zu behaim oder wem das war von wegn
der zwayr guet zu reichnaw des soll ich obgenant pet frenczer mein haussfraw vnd all vns erbn vnen
geltn sein vngeuarleich Des zu vrkundt gib ich obgenant pet frenczer fur mich mein haussfraw vnd
all vnser Erbn den offen brieff Betzeuigt vnd besiglt mit der Erbn Sigmund stampcken zu stampach vnd
Oswalden am perg payder anhangund jnsigl die sy baid durch vnser vleissig pett willen zu Geugnusz
Ann den offen brieff gehangn habnt jm vnd allen iren Erbn vnd jn stigl an schadn vnder dy jn Sigl wir
vns obgenanters verpintn bey vnsern trewn jnn aydes weysz alles war vnd stat zehabn das der brieff jnn
halt vnd ausweyst Der geben ist nach cristi gepurdt vierzehenhundert jar vnd dar nach jnn dem
Sechsundfufzigistn Jare Am Sambtztag vor der heyligndrew kunig tag