Forschungskatalog

Urkunden erkunden

Beginnen Sie mit einer einfachen Suche. Verfeinern Sie erst, wenn die Forschungsfrage es erfordert.

1550_VIII_15.1

CZ-KAVB > VYBRO > 1550_VIII_15.1

Quelle: MonasteriumKI-PaläografieKI-Interpretation
Seite 1 / 3
1550_VIII_15.1, Seite 1
Ansicht
Transkriptiongemini-3.1-pro-preview
Wir Johannes Abbt Vnser lieben frawen Gots hawß zue Hohenfurtt, Johannes Hayder Prior vnd der gancz Conuent gemainclich daselbs, bekhennen mit di=
sem vnserm brieff, fuer vnß vnd all vnser Nachkhumen, Das mit vnserm guetten wissen vnd bewilligung, zwischen Steffan Schmieghofer burger zue Hohenfurtt aints,
vnd Mathesen zue Kaltenprunn des Gots hawß daselbs aigen vnderthann, vnsern vnderthanen, ain vlagkh vmb ains taills jres grundts, wie hernach volgt, beschehen.
Also das der beuelt Steffan, dem Mathesen, vmb sein wisen, zwischen seiner des Steffan zwaier Teichtlen in der Pollen gelegen, wie die nunmallen mit Marckh=
stain vnd marchen zue baiden seiten außgezaigt ist, gibt seinen grundt, genandt das Rannenlußl, mitsambt den zwaier beiligunden zuegehörigen Wifflagtenn
zwischen Larenczen pfingkher vnd Steffan Döderln baider zue Kaltenprunn lüssen gelegen. Vnd zue solhem Rannenlüßlen, gibt Steffan Schmieghofer, dem Mathesen
so noch in parem gelt zue ainem auffgab, aht pfundt pfening, allbeg hieczigkhs kreüczer fuer ain pfundt pfening gerechnet. Vber das gibt Steffan, oder seine
nachkhumen so die wisen jnnen haben in der Mathesen behausung jarlich zue Sand Jörgentag vier teütsch pfening dergleichen auff ieden Sand gallen tag
auch vier teütsch pfening, der Pächl vnd flüthgraben sollen in der hoche wie sie vncz dem vndern Teichtlen zue dato diß brieffs befunden worden, also beleiben
vnd nit merer erhöcht oder angrifft werden. Die beuelt wiß zwischen baider Teichtlen, sambt dem Wifflagtlen vnderm Pächl beym vndern Teichtlein, sollen
Jrelichen Jnnenhaben, vnd nit abgrasen noch mit viech abgczing nit entwendt werden. Vber eß dan bey Jrelichen Jnngehegen vnd gehäget ist worden. Auch
ein tail aines grundts, so vor zeitten dem Hauß zue dem vndern Teichtlein verkaufft ist, das dan anheücz vom selben Teichtlein außgeraumbt vnd in des Sigmunden
Schpannen zue Kaltenprunn grundt ligt, darzue dan allbegn wen man das Teichtl vischt in des Schpannen Hauß zway visch gegeben werden, solhs aint grundts
sol auch füreran noch allbeg vnuerkhümbt beym selben vndern Teichtlein vnuerhindert beleiben. Sambt Mathes, oder die nachkhünfftigen seines Hauß Jnhaber
von dem wasser des vndern Teichtleins biß an die Marckhstain mit der Senckhin, gefangen vnd jnnen mügen. Vnd sollen hie zue geniessen weg vnd recht haben. Der
Steffan, oder seine khünfftige Jnhaber des vndern Teichtleins, haben auch recht von der Mathesen stube vnd all gäre daselbs (wan der egeher vngehägt ist) stäinn
holcz vnd erdtreich, doch dem aghaher vnd wisen an schaden, zue pesserung des Pächls vnd flüthgrabens, wens die nodt erfordert, zenemen. Darzue soll
auch Steffan, oder seine nachkhumen zue dem vndern Teichtlein, durch des Mathesen hoff zue Kaltenprunn ain freyen fuet weg, ein vnd außzufaren als offt
die nodt erhaischt an ainig jrrung frey vnd beuor haben. Vnd wem khünfftigclich das offtbemeltt vnder Teichtl faill würde, so sol der Mathesen hauß
jnnerer die anfaillung haben, vnd nach Rat vnder leüt vmb getreülichen kaufft gestat werden, wolt oder möcht aber Mathes oder seine Erben khünfftig
Jnnere nit behauffen, so mag alßdan Steffan oder seine Erben solhen teicht, geben vnd verkauffen, wem vnd wie sie wöllen. Die gmain zue Kaltenprunn
haben in dem pächlen vnd flüthgraben zwischen baider Teichtlein frey zewischen. Aber Steffan mag jme Pächl graben vnd das pächl, mit fürgeündlem
nach seinem pesten nucz verwaren, Vnd ainem Eder die fürgeündl gegen dem Teichtlein sol kainer zue vischen weder weg noch recht haben. Solher vlagkh
ist in peywesen Paulsen Wagner die zeit Richter zue Kaltenprunn, Vrban Eder, Caspar Anderer, hiesige baid außgestörben daselbs. Bläsien Schmidt, Hannsen Eder,
tolden Mathesen wagner allne dreye Jnwoner daselbs vnd Mathesen flaischhagker burger zue Hohenfurtt beschehen. Vnd durch vns vorgenentten
Johansen Abbt vnd vnserer Conuents baider aignen hant anhangenden Jnsigeln, auff erndten Steffan Schmieghofers vnd Mathesen diemietig
vleissig pitten befestigt. Doch vns, vnsren Jnsigeln, vnd nachkhumen an allen schaden. Geben Jm Conuent Sambstags nach Marie Himmelfart, als
man von menscherwerdung Cristi vnsers erlösers, Zellet, Fünffczehundert vnd im Fünffczigisten Jare.

Wissenschaftliche Transkriptionszeichen

(text)
Aufgelöste Abkürzung; die Buchstaben in Klammern wurden ergänzt.
~text~
Geringe Unsicherheit.
|text|
Erhebliche Unsicherheit.
¦text¦
Sehr unsichere Lesung.
<text>
Kontextuelle Rekonstruktion, die nicht sicher sichtbar ist.
# / #3w
Sichtbare, aber unlesbare Schrift.
^3w^ / ^2l^
Physisch fehlende oder beschädigte Passage.