Wir Georg Abbt Zu Hohenfurtt, Vnd Administrator des Vaci:
renden Gottshauß Englszell, Bekhennen hiemit offentlich
Nachdem Vns Zu Bedachtem Gottshauß Englszell die Burger:
schafft des Markhts Haslach im Landt österreych ob d(er) Ennß
auß Iren(en) Iren halben fischwassern der Mühel genennt,
Einen Ieden Iars angebauts getraidts im Werth, auf
Iren haas Zugeben Pflichtig, Vnd aber wir solches mit
merkhlichen Vnkhosten, auch Iren grossen Vngelegenheit,
hohlen Vnd Inholn lassen mögen, Das wir demnach
auf Ir bitliches anlangen, Inen benanten Ieden auffs
Bennen Markht Vmb aine benante sümma gelts Iähr:
licher Raichung (doch so lang wir das obberürte Gott:
hauß Englszell Innehalten Vnd Administrirn werden)
Verlassen haben, Also, Welchs Iahr dero selbs angebauts
das Sy Vns Zu Michaeli des selbigen Iahrs Zwainzig
gulden geben, Wann aber Iren nur in d(er) Waar Ligt
damal s nur Zwelff gulden Iedz I(ahr) ächtzig Khreüzer
gerechnet entrichten sollen, Vnd Wollen, ohne ainige andere
einred, Irrung Vnd wider sprochen, ohne geferde, des
Zu wahrer haltung Vnd bekhräfftigung, geben wir Inen dises
Trüebrief, mit Vnserm Aigen Pitschaft Insigill gefertigt.
Beschehen den tag Michaelis des hailigen Ertzengels Im
Fünfftzehenhundert, Vier Vnd Achtzigisten Iar.