Wïr Georgius Abbte deß Würdigen vnser Lieben Frawen Gotteshauß
Hohenfürt, Mattias Marx Prior vnndt ein gantz Conuent daselbsten Bekennen Hiemit disem Offen Briefe,
Demnach der Ersamb vnser Lieber getrewe Simon Mader der zeits primator im Marckht Hohenfürt
für vns khomen, mit vorlegung eines Kaffsbrieffs Welcher von vnserm Vorfarn Seel(igen)
Michael Fabritio gewesem Abbten, dem Verstorbenen Merthen Maßlan gewesem Burger im Marckht
Hohenfürt vber Zway Verkhauffte Reitter, aines im Irberg haltendt drey Morgen, das ander Vnder
deß Priesters Balthasar Reitlingers Reit stossendt haltent fünff Morgen ertheilt worden. Vnndt
Weillen nun bemelte Zway Reitter in ainem brief begriffen Wann er aber nur das Aine Vnd grössere
so mit fünff morgen Vnd am Priester Ligt gedachter Simon Mader mit Obrigkeitlicher bewilligung khaufft
Lichen an sich gebracht, hat er Vns Ihme hierüber ein Vnderschiden absonderlichen Briefs mit vor=
fertigung Vnsers gewonlichen Abbtëy Vnd Conuent Insigl Zü ertheilen demütig gebotten, So Wïr
Ihme nit abschlagen khonden, Hinfüro auf gedachten H(errn) Mader solches Reith also Ieder Recht erbsain Vnd
Eigenthumb Krafft diß briefs an: Vnd vbergeben, also das er sein Eeib Erben Vnd Nach=
khomen dasselbe in Rüigen gewehr Ihenne haben geniessen gebrauchen Verkaufen Verkhauffen (doch
nit in frembde herschafft) Vnndt damit Zü handlen Vnd Zü schaffen füg Vnd Macht haben sollen Vnndt
mögen alß mit andern ihren aignen güttern Vnd gründen, Ohne Vnser od(er) Vnsere nachkhommen
einige eitig Verhinderunß in allweg Vngeferde, Doch soll er H(err) Mader od(er) die diß Reitt innhaben
Weiberlen in diß Gotteshauß Vnd Rentamt Zü Ewigem Zinnß Iehrlichen Zehen schilling wessern
Ied(er) 7. Silber böhmisch Pfennig Vnder hiedlich aber fünff art(ikel) Georgij Vnd fünff art(ikel) san(c)t Gallij
Zü Raichen Vnd geben nit Nachlässig sein, Auch bey Verlierung des Reitts Ohne Vnsers nachkhom(m)en
Vorwissen nit Verkaufen nit ver Vertauschen. Dessen Zü Wahrer Vrkundt Vnd stetter Versicherung
haben wir disen Briefe mit Vnserm Gewöhnlichen Abbtëy Vnd Conuents anhangend(en) Insigill bekhreftig(en)
Lassen Geschehen in Kloster Hohenfürt den tag Michaelis Im Sechszehenhundert Sechs Vnd dreissigsten Iahre