1749_XII_25
CZ-KAVB > VYBRO > 1749_XII_25
highMonasterium
Quelle: MonasteriumKI-PaläografieKI-Interpretation
Ansicht
Übersetzung
Transkriptiongemini-3.1-pro-preview
IN NOMINE SANCTISSIMÆ ET INDIVIDUÆ TRINITATIS AMEN.
Supremi Apostolorum Principis dogmatica est parænesis: Ante omnia mutu
am in vobismetipsis Charitatem continuam habentes; hæc enim est sacratior ille cordium magnetismus quo in Christo dulcissimo nexu Religio
sæ præsertim copulantur animæ, ut tanquam unum aliquod corpus mysticum suo capiti coaptatum per plenitudinem dilectionis assurgat in
plenitudinem perfectionis. Hujus probè gnari à sæculis charitativè nobis prælucentes utrinque Religiosissimi Antecessores nostri (quorum
pios Manes jam in eo qui Charitas est fructus legere confidimus) mutuæ Charitatis sibi apprimè in spiritualibus subveniendi vinculum in
fornacula sanctæ dilectionis in exemplum nobis conflârunt, quando jam de Anno millesimo quadringentesimo octuagesimo Dominicâ post
festum S. Margarethæ Ecclesia Milovicensis Sacri ac Exempti Ordinis Præmonstratensis (nunc Prageno-Sioneæ Canoniæ incorporata)
cum Ecclesia Altovadensi Sacri ac Exempti Ordinis Cisterciensis dulci Charitatis impulsu sacra compactata, et pientissimum fœdus de utri
usque sacræ familiæ mutuò per sacrificia Altaristica, et charitativæ devotionis suffragia juvandis defunctorum animabus saluberrimè instituit,
et idipsum Strahovia (appropriatô eidem tractu temporis Milovicio) in se assumendo ratificavit. Quia autem Magni Hipponensium Antisti
tis effatô (lib. ad Jul.) Charitas quæ deseri potest, nunquam vera fuit, idcircò nè per canescentes temporum periodos, et annorum jubilæa hoc san
ctum fœdus, et inveteratæ tantóque firmiùs radicatæ Charitatis vinculum arrodant temporis oblivia, aut per ætatem hunc sacræ dilectionis
igniculum intepuisse opinentur utrinque nostri posteri; à veræ charitatis labaro nunquam desertores futuri Nos GABRIEL, WENCES
LAUS CASPAR. Sacri, Canonici, et Exempti Ordinis Præmonstratensis Regníque Bohemiæ Prælatus, Regiarum Ecclesiarum Montis Sion,
et Milovicensis Abbas, Visitator perpetuus. P. Philippus Schultz Prior Sioneus, totúsque Conventus Strahoviensis et Milovicensis ex una.
Et Nos QUIRINUS MICKL Sacri, ac Exempti Ordinis Cisterciensis, Regníque Bohemiæ Prælatus, Monasterij B.V.M. de Altovado in Bohemia
Abbas, Proto-Notarius Apostolicus. P. Bonifacius Wallisch Prior totúsque Conventus Altovadensis, ex altera parte Antecessorum nostrorum
vestigijs insistentes olim ab anno 1480 cœptam spiritualem hanc Confœderationem, et pro utrinque ex gremio defunctis sacra suffragia
peragendi mutuam obligationem (paucis pro modernorum temporum necessitate immutatis) in Domino firmiter innovamus, et stabilimus,
et imprimis quidem omnium spiritualium bonorum, piorum operum, meritorum, et suffragiorum, quæ in cœnobijs nostris ad DEI
gloriam, et Sanctorum venerationem à quocunque Ecclesiarum nostrarum professo exercentur, et exercebuntur, plenissimam com
municationem, et participium mutuò cedimus, et offerimus. Præterea verò specificè pro quolibet Ecclesiarum nostrarum viam omnis
carnis ingresso (ubi Parti confœderatæ obitus illius more solitô intimatus fuerit) incunctanter Officium defunctorum, atque Missam
solemnem de Requiem in Ecclesijs nostris Conventualibus, vel respectivè Ecclesia nostra Conventuali in animæ illius suffragium cantan
dam, uti hactenus semper evenit, cum Officio defunctorum nempè Vesperis, Nocturno, et Laudibus choraliter absolvendis ritè persolve
mus; singuli porrò Sacerdotum nostrorum sive Conventualis, sive expositus præter quotidianum memento pro omnibus Partis confœde
ratæ defunctis, etiam pro ijsdem, et generaliter omnibus in Domino quiescentibus confœderatis, qui sive eô annô, sive antehac jam è vita
decesserunt, et eô spirituali subsidio fortè opus habent, ritè, et inviolabiliter annuè unum Sacrificium Missæ Altissimo litabunt. Clerici
nostri Religiosi extra chorum specialiter pro quolibet nobis insinuato defuncto Confœderato septem psalmos pœnitentiales, Fratres ve
rò conversi quinquaginta Orationes dominicas, et totidem salutationes Angelicas accuratè persolvere satagent, ut ità compactatæ, et
jam à Centurijs annorum jubilatæ Charitatis mutuæ perfectionem hac sacri fœderis firmâ innovatione indefecturè impleamus, et
piæ posteritati pro sancta hæreditate transcribamus. In cujus innovatæ salutaris unionis spiritualis testimonium, et robur cum sub
scriptione propriarum manuum, et sigillorum nostrorum tum Abbatialium, tum Conventualium appressione præsens instrumentum
in duplo formatum communivimus. Actum Pragæ in monte Sion Annô Dominicæ Incarnationis suprà millesimum septingen
tesimum quadragesimô nonô die decimâ quintâ Decembris: et Altovadi die vigesimâ quintâ ejusdem mensis, et anni.
P. Philippus Schull Prior Sioneus, totiusq(ue) Conventus Strahoviensis
et Milovicensis
Gabriel Abbas Sioneus et
Milovicensis Visit(ator) perp(etuus) m(anu) p(ropria)
Quirinus Abbas Altovadi
Proto Not(arius) Ap(ostolicus)
P. Bonifacius Wallisch Prior,
totiusq(ue) Conventus Altovadensis m(anu) p(ropria)
Supremi Apostolorum Principis dogmatica est parænesis: Ante omnia mutu
am in vobismetipsis Charitatem continuam habentes; hæc enim est sacratior ille cordium magnetismus quo in Christo dulcissimo nexu Religio
sæ præsertim copulantur animæ, ut tanquam unum aliquod corpus mysticum suo capiti coaptatum per plenitudinem dilectionis assurgat in
plenitudinem perfectionis. Hujus probè gnari à sæculis charitativè nobis prælucentes utrinque Religiosissimi Antecessores nostri (quorum
pios Manes jam in eo qui Charitas est fructus legere confidimus) mutuæ Charitatis sibi apprimè in spiritualibus subveniendi vinculum in
fornacula sanctæ dilectionis in exemplum nobis conflârunt, quando jam de Anno millesimo quadringentesimo octuagesimo Dominicâ post
festum S. Margarethæ Ecclesia Milovicensis Sacri ac Exempti Ordinis Præmonstratensis (nunc Prageno-Sioneæ Canoniæ incorporata)
cum Ecclesia Altovadensi Sacri ac Exempti Ordinis Cisterciensis dulci Charitatis impulsu sacra compactata, et pientissimum fœdus de utri
usque sacræ familiæ mutuò per sacrificia Altaristica, et charitativæ devotionis suffragia juvandis defunctorum animabus saluberrimè instituit,
et idipsum Strahovia (appropriatô eidem tractu temporis Milovicio) in se assumendo ratificavit. Quia autem Magni Hipponensium Antisti
tis effatô (lib. ad Jul.) Charitas quæ deseri potest, nunquam vera fuit, idcircò nè per canescentes temporum periodos, et annorum jubilæa hoc san
ctum fœdus, et inveteratæ tantóque firmiùs radicatæ Charitatis vinculum arrodant temporis oblivia, aut per ætatem hunc sacræ dilectionis
igniculum intepuisse opinentur utrinque nostri posteri; à veræ charitatis labaro nunquam desertores futuri Nos GABRIEL, WENCES
LAUS CASPAR. Sacri, Canonici, et Exempti Ordinis Præmonstratensis Regníque Bohemiæ Prælatus, Regiarum Ecclesiarum Montis Sion,
et Milovicensis Abbas, Visitator perpetuus. P. Philippus Schultz Prior Sioneus, totúsque Conventus Strahoviensis et Milovicensis ex una.
Et Nos QUIRINUS MICKL Sacri, ac Exempti Ordinis Cisterciensis, Regníque Bohemiæ Prælatus, Monasterij B.V.M. de Altovado in Bohemia
Abbas, Proto-Notarius Apostolicus. P. Bonifacius Wallisch Prior totúsque Conventus Altovadensis, ex altera parte Antecessorum nostrorum
vestigijs insistentes olim ab anno 1480 cœptam spiritualem hanc Confœderationem, et pro utrinque ex gremio defunctis sacra suffragia
peragendi mutuam obligationem (paucis pro modernorum temporum necessitate immutatis) in Domino firmiter innovamus, et stabilimus,
et imprimis quidem omnium spiritualium bonorum, piorum operum, meritorum, et suffragiorum, quæ in cœnobijs nostris ad DEI
gloriam, et Sanctorum venerationem à quocunque Ecclesiarum nostrarum professo exercentur, et exercebuntur, plenissimam com
municationem, et participium mutuò cedimus, et offerimus. Præterea verò specificè pro quolibet Ecclesiarum nostrarum viam omnis
carnis ingresso (ubi Parti confœderatæ obitus illius more solitô intimatus fuerit) incunctanter Officium defunctorum, atque Missam
solemnem de Requiem in Ecclesijs nostris Conventualibus, vel respectivè Ecclesia nostra Conventuali in animæ illius suffragium cantan
dam, uti hactenus semper evenit, cum Officio defunctorum nempè Vesperis, Nocturno, et Laudibus choraliter absolvendis ritè persolve
mus; singuli porrò Sacerdotum nostrorum sive Conventualis, sive expositus præter quotidianum memento pro omnibus Partis confœde
ratæ defunctis, etiam pro ijsdem, et generaliter omnibus in Domino quiescentibus confœderatis, qui sive eô annô, sive antehac jam è vita
decesserunt, et eô spirituali subsidio fortè opus habent, ritè, et inviolabiliter annuè unum Sacrificium Missæ Altissimo litabunt. Clerici
nostri Religiosi extra chorum specialiter pro quolibet nobis insinuato defuncto Confœderato septem psalmos pœnitentiales, Fratres ve
rò conversi quinquaginta Orationes dominicas, et totidem salutationes Angelicas accuratè persolvere satagent, ut ità compactatæ, et
jam à Centurijs annorum jubilatæ Charitatis mutuæ perfectionem hac sacri fœderis firmâ innovatione indefecturè impleamus, et
piæ posteritati pro sancta hæreditate transcribamus. In cujus innovatæ salutaris unionis spiritualis testimonium, et robur cum sub
scriptione propriarum manuum, et sigillorum nostrorum tum Abbatialium, tum Conventualium appressione præsens instrumentum
in duplo formatum communivimus. Actum Pragæ in monte Sion Annô Dominicæ Incarnationis suprà millesimum septingen
tesimum quadragesimô nonô die decimâ quintâ Decembris: et Altovadi die vigesimâ quintâ ejusdem mensis, et anni.
P. Philippus Schull Prior Sioneus, totiusq(ue) Conventus Strahoviensis
et Milovicensis
Gabriel Abbas Sioneus et
Milovicensis Visit(ator) perp(etuus) m(anu) p(ropria)
Quirinus Abbas Altovadi
Proto Not(arius) Ap(ostolicus)
P. Bonifacius Wallisch Prior,
totiusq(ue) Conventus Altovadensis m(anu) p(ropria)