Innocentius ep(iscopu)s s(er)uus s(er)uor(um) d(e)i. Venerabili fratri .. Ep(iscop)o Cortonen(si) S(a)l(u)t(em) et ap(osto)licam ben(edictionem). Sincere deuotionis affectus quem dilectus filius Johannes Sctawka
Canonicus Monasterij in Baronam ordinis sancti Augustini Pragen(sis) dioc(esis) ad nos et Roman(am) gerit eccl(esi)am non indigne promeretur ut uotis suis per que Monasterior(um) et religiosor(um) locor(um) ac in illis de
gentium personar(um) status salubriter dirigatur adhibeamus n(ost)re solicitudinis partes. Dudum siquidem per nos intellecto q(uod) Monasterium sancti Petri in Celcauice Papien(sis) ordinis sancti Augustini
Canonicor(um) regularium quod dilectus filius n(oste)r Raphael sancti Georgij ad Velum aureum Diaconus Cardinalis ex concessione et dispensatione ap(osto)lica in commendam obtinet necessaria indigeret reformatione nos illam
Venerabili fratri n(ost)ro Johanni Ep(iscop)o Coronen(si) tunc in partibus illis existenti per quasdam p(ri)mo et demu(m) quoniam quod ip(s)e ceperat eo per nos uocato p(er)ficere non potuerat dicto Johanni Sctawka ut in
dicto Monasterio prout secundum deum et conscientiam suam uideret expedire dictam reformationem per prefatum Ep(iscop)um ceptam exequeretur et perficeret iuxta eiusdem Ep(iscop)i concessam facultatem per
alias n(ost)ras litteras in forma breuis commisimus et mandauimus prout in singulis litteris predictis plenius continetur. Et sicut exhibita nobis nuper pro parte dicti Johannis Sctawka petitio continebat
dictum Monasterium in Celcauice in quo eiusdem sancti Augustini corpus feliciter requiescit sub eiusdem Johannis Sctawka cura et reformatione constitutum eius opera et diligentia benedicente domino
non parum in spiritualibus et temporalibus suscepit incrementum. Cum autem sicut eadem petitio subiungebat idem Johannes Sctawka ut dictum Monasterium in Baronam nouiter edificatum in
quo professionem per illius Canonicos emitti solitam emisit regularem ad quod pro parte dotauit contulitq(ue) eidem qua(m)plurima beneficia sub regulari continuo uigeat obseruantia diuinusq(ue) cultus in
eo semper augeatur se ad hunc effectum etiam in illius Reformatorem dari et deputari summopere desiderat affectibus fuerit pro parte prefati Johannis Sctawka nobis humiliter supplicatum ut
ip(su)m in Reformatorem dicti Monasterij in Baronam et illius personas ad quod singularem ut ip(s)e asserit gerit deuotionis affectum constituere creare et deputare ac in ip(s)or(um) Monasterij in
Baronam et personar(um) Reformatione eandem potestatem quam in reformando Monasterium sancti Petri predictum et illius personas habet exercere possit et ualeat concedere aliasq(ue) in premissis oportu
ne prouidere de benignitate ap(osto)lica dignaremur. Nos igitur qui de premissis certam notitiam non habemus huiusmodi supplicationibus inclinati fraternitati tue per ap(osto)lica scripta mandamus quatinus de
premissis omnibus te auctoritate n(ost)ra diligenter informes et si per informationem eandem premissa reppereris ueritate fulciri prefatum Johannem Sctawka in Reformatorem dicti Monasterij in
Barona et illius personas dicta auctoritate n(ost)ra deputes et constituas sibiq(ue) in Monasterij in Baronam et illius personar(um) huiusmodi reformatione eandem potestatem quam in reformando Monasterium in
Celcauice predicto et ipsius personas exercere potest exercere ualeat prefata auctoritate concedas. Non obstantibus Constitutionibus et ordinationibus ap(osto)licis ac Monasterij in Baronam et ordinis
predictor(um) iuramento confirmatione ap(osto)lica uel quauis firmitate alia roboratis statutis et consuetudinibus ceterisq(ue) contrarijs quibuscunq(ue). Dat(um) Rome apud Sanctum Petrum
Anno Incarnationis dominice Millesimoquadringentesimononagesimoprimo Nonis Januarij Pontificatus n(ost)ri Anno Octauo