In nomine domini amen. Albertus dei gracia Luthomislensis episcopus vniuersis christifidelibus ad quos presentes peruenerint pacem gaudium et
Salutem in domino sempiternam Suscepti pastoralis officij nos cottidiana cura sollicitat ut de saluti animarum omnium christifidelium precipue tamen
illorum commissorum regimini quantum cum deo possumus salubriter intendamus Sane considerantes quod vniuersos christifideles ad pietatis opera
et deuocionis studia diuinis muneribus tanto studiosius excitamus quanto per ea diuine gracie reddi possint apciores Eapropter omnibus vere
confessis et penitentibus qui ad ecclesiam monasterij Sanctorum Nicolai et katherine canonicorum regularium ordinis sancti Augustini in lancz
krona nostre diocesis deuoti accesserint in festiuitatibus infrascriptis diuinam graciam petituri Et qui ad opus eiusdem monasterij manus porrexerint
adiutrices quocienscunque in Infrascriptis singulis festiuitatibus Indulgencias subscriptas ex iniuncto officio pastorali misericorditer inpartimur In
primis siquidem qui prenominatum monasterium in Natiuitate Circumcisione Epyphania Cene dominice passi Resurreccionis cum duobus diebus Ascencionis
penthecostes cum duobus diebus Trinitatis Corporis christi Item in concepcione Annunciacione Natiuitate purificacione et Assumpcione virginis
intemerate Item qui in sanctorum angelorum Natiuitatis Johannis Baptiste Item qui in Beatorum petri pauli Andree Johannis Jacobi
Philippi Bartholomei Symonis et Jude Thome mathei mathie marci luce Barnabe apostolorum et ewangelistarum Necno qui eciam
Beatissimorum Stephani prothomartiris Laurencij Viti Wenceslai translacionis et transitus Adalberti quinque fratrum Zygismundi
Georgij Mauricij Victorini martirum gloriosorum Item qui in Gregorij Ambrosij Jeronimi Augustini transitus et translacionis Martini
Nicolai procopij confessorum beatorum Item qui in Marie Magdalene Marthe felicitatis katherine Margarethe dorothee Juliane ac
Ludmile Elizabeth virginum et viduarum Insuper qui in die Jnnocentium omnium Sanctorum in commemoracione omnium animarum et dedicacione
monasterij memorati festiuitatum deuocionis causa accessit siue accesserint Seu beneficium quodcunque amanu lingua uel obsequio in
penderit Postremo quocienscunque quis Sermoni ibidem interfuit cantilenam hospodyn pomyluy ny ante Sermonem uel in missa
uel quando Corpus domini in Jesu christi ad infirmum seu infirmos deportatur et deportabitur cum alijs cantauit Seu ipsum Corpus
dominicum conduxit Item qui Corpus christi et Sacrum oleum secutus et pacem in missa recepit Item qui tria Aue Maria dixit
in sero quando trina vice pulsatur Item qui interfuit quando Salue Regina decantatur Item qui misse que mane de virgine
Beatissima Maria cantari uel legi consueuit interfuerit Et qui pro Rege Episcopo et pro pace Regni Boemie preces domino
deo funderit de omnipotentis dei misericordia et Beatissimorum apostolorum petri pauli atque Bartholomei eius Sanctissimorum quoque mar
tirum Viti Wenceslai Adalberti Zygismundi Mauricij patronorum nostrorum meritis et Intercessione confisi pro vice qualibet
Et nichilominus singulis diebus festiuitatum predictarum et ipsarum octauis que tamen octauas habere dinoscuntur Quadraginta
dierum Indulgencias ipsis misericorditer in domino condonamus Harum quibus Sigilla nostra ad perpetuam rei memoriam
et in testimonium omnium premissorum sunt appensa testimonio litterarum Datum Luthomisl Anno domini Millesimo
Trecentesimo Septuagesimo Quinto die decima octaua Mensis Augusti Terciadecima Jndiccione