In dei nomine amen. Noverint universi et singuli presens publicum instrumentum inspecturi quod anno a nativitate domini millesimo quadringentesimo nono indictione secunda die vero quinta mensis Iulii pontificatus sanctissimi in Christo patris et domini nostri domini Gregorii divina providentia pape duodecimi anno tertio in mei notarii publici et testium subscriptorum presentia personaliter constitutus venerabilis vir dominus Iohannes prior monasterii in Lanckrona ordinis sancti Augustini canonicorum regularium Olomucensis diocesis habens et tenens in suis manibus quasdam litteras apostolicas sanctissimi in Christo patris et domini nostri domini Gregorii divina providentia pape duodecimi eius vera bulla plumbea cum cordula canapis more Romane curie impendente bullatas sanas et integras non vitiatas non cancellatas nec in aliqua sui parte suspectas sed omni prorsus vitio et suspicione carentes ut prima facie apparebat quarum tenor de verbo ad verbum sequitur et est talis Gregorius episcopus servus servorum dei dilecto filio Iohanni priori monasterii in Lanckrona ordinis sancti Augustini canonicorum regularium Olomucensis diocesis salutem et apostolicam benedictionem. Sincere devotionis affectus quem ad nos et Romanam geris ecclesiam promeretur ut petitionibus tuis illis presertim que ad tui et monasterii tui statum et honorem pertinent quantum cum deo possumus favorabiliter annuamus. Hinc est quod nos tuis supplicationibus inclinati tecum ut unacum priore monasterii in Lanckrona ordinis sancti Augustini canonicorum regularium Olomucensis diocesis pro tempore existente et aliis fratribus dicti monasterii in divinis officiis et aliis actibus legitimis quibuscumque uti et gaudere possis et valeas libere et licite de speciali gratia dispensamus constitutionibus et ordinationibus apostolicis ac statutis et consuetudinibus dicti monasterii iuramento confirmatione apostolica vel quavis firmitate alia roboratis ceterisque contrariis nequaquam obstantibus. Nulli ergo omnino hominum liceat hanc paginam nostre dispensationis infringere vel ei ausu temerario contraire. Si quis autem hoc attemptare presumpserit indignationem omnipotentis dei et beatorum Petri et Pauli apostolorum eius se noverit incursurum. Datum Rome apud sanctum Petrum anno incarnationis dominice millesimo quadringentesimo octavo decimo kalendas Ianuarii pontificatus nostri anno tertio. Post quarum quidem litterarum apostolicarum presentationem et ostensionem prefatus dominus Iohannes prior me notarium publicum infrascriptum requisivit ut de dictis litteris apostolicis et earum tenore unum vel plura publicum seu publica instrumentum vel instrumenta conficerem. Acta sunt hec Rome in domo habitationis mee sita in regione pontis sub anno indictione die mense et pontificatu quibus supra presentibus ibidem discretis viris Iohanne de Praga et Nicolao de Brunna clericis Olomucensis diocesis testibus ad premissa vocatis specialiter et rogatis.
Et ego Iohannes dictus de Praga clericus Olomucensis diocesis publicus apostolica et imperiali auctoritatibus notarius quia dictarum litterarum apostolicarum presentationi et ostensioni omnibusque aliis et singulis premissis dum sic ut premittitur agerentur et fierent unacum prenominatis testibus presens interfui eaque omnia et singula sic fieri vidi et audivi ideo hoc presens publicum instrumentum manu mea propria scriptum exinde confeci et in hanc publicam formam redegi signoque et nomine meis solitis et consuetis signavi rogatus et requisitus in fidem et testimonium omnium et singulorum premissorum.