Georgius dei gracia Bohemie Rex Morauie Marchio Lucemburgen(sis) et Slesie Dux ac Lusacie Marchio
Notumfacimus tenore presencium vniuersis Vt indempnitati ecclesiarum sanctissimarum consulere volentes ut bona
illarum temporalia vndiq(ue) distracta non in vsibus prophanis permaneant sed magis ecclesiis iure debito reddant(ur)
Quapropter Religioso Andree p(re)posito et Canonicis regularibus monasterii beate Marie virginis in Landeskron
ordinis sancti Augustini dioc(esis) Luthomisslen(sis) deuotis n(ost)ris dilectis concessimus et tenore p(re)sencium concedimus q(ua)t(en)us bo
na Monasterii prefati quibuscu(m)q(ue) personis in quacu(m)q(ue) summa obligata et impignorata per predecessores nostros
possint et valeant redimere et reluere data summa in qua bona eiusd(em) monasterii coniunctim uel diuisim obligata
sunt Et si qua bona eiusd(em) monasterii vi aut quomodomodo non impignorata aut obligata per predecessores n(ost)ros
a quibuscu(m)q(ue) tenentur et occupantur Volumus ut absq(ue) quauis repugnancia dicto monasterio restituantur
Volentes autem prefatum monasterium in suis iuribus libertatibus et possessionibus illibatu(m) seruare prefata
bona monasterii nulli vnquam hominum cuiuscu(m)q(ue) dignitatis status aut preeminencie fuerint obligabimus im
pignorabimus aut inscribemus Presencium subappensione n(ost)ri Regalis sigilli testimonio litterarum Datum
Olomucz die Quartadecima Februarii Anno domini Millesimoquadringentesimo sexagesimo Regni nostri
anno Secundo